Shënim i botuesitUNMIK Chronicle e zëvendëson
fletushkën UNMIK News, që filloi të botohej në ditët,
pas konfliktit, të Misionit të KB-ve, në kohën kur
nuk kishte gazeta ose botime të tjera në Kosovë. UNMIK
News, që botohej në gjuhën shqipe, angleze dhe serbe,
u zhvillua në një lidhje të komunikimit me partnerët
vendorë dhe ndërkombëtarë të UNMIK-ut, duke
sqaruar çka ndodhte dhe, deri në njëfarë mase,
përse gjërat ndodhnin. Sot, në prag të vetëqeverisjes
së përkohshme ajo nevojë, gjithashtu po kalon. Në
vend të saj, UNMIK Chronicle thjeshtë do t'i shënojë,
me sqarim minimal, ndodhitë më të mëdha që
kanë të bëjnë me UNMIK-un. Botimi i saj simotër,
Focus Kosovo, gjithashtu në tri gjuhë, do të jetë
më pasqyrues-duke u marrë me çështjet më
të gjëra të administratës nga perspektiva e atyre
në UNMIK, të cilët duhet t'i baraspeshojnë çështjet
e paqeruajtjes në kontekst të Kosovës, dhe të atyre
që ende punojnë me UNMIK-un.
1 tetor
Duke hedhur poshtë
pohimet se nuk do të ketë siguri të mjaftueshme për
votuesit e pakicave, UNMIK-u hedh poshtë shtyrjen e zgjedhjeve
deri në vitin 2002.
Komisioni Qendror
i Zgjedhjeve miratoi një rregullore mbi rolin dhe përgjegjësitë
e mediave gjatë fushatës zgjedhore.
Në raportin
e tetë të përbashkët UNHCR-OSBE mbi pakicat thuhet
se, edhe pse kushtet po përmirësoheshin ngadalë, gjendja
e tyre mbeti më e keqja në Evropë.
2 tetor
PSSP apeloi për
fushatë jo të dhunshme zgjedhore, duke thënë se
ardhmëria e Kosovës varej në suksesin e zgjedhjeve.
Këshilli Tranzitor
i Kosovës (KTK) u takua për herë të fundit. Takimi
u mbajt në një sesion të përbashkët me Këshillin
e Përkohshëm Administrativ për t'i diskutuar çështjet
e sigurisë dhe të drejtësisë.
PSSP u takua me
zëvendëskryeministrin serb në Prishtinë.
Qendra për
korrespondimin e informatave për euron, e inauguruar në Odën
Ekonomike të Kosovës me seli në Prishtinë, do të
ofrojë informata dhe do t'i lidhë bizneset në Kosovë
me homologët në shtetet e BE-së.
3 tetor
Gjenerali Valentin,
nga Franca, duke marrë komandën e KFOR-it, theksoi se KFOR-i
do të qëndronte pranë UNMIK-ut për ta siguruar një
ambient të sigurt për zgjedhjet e nëntorit.
Fushata zgjedhore
në mbarë Kosovën zyrtarisht filloi me 26 subjekte politike,
të cilat garojnë për 100 vende në Kuvendin e ardhshëm.·
20 Departamentet e SPPA-së zyrtarisht u bashkuan në nëntë
departamente tranzitore administrative, të cilat do të bëhen
ministri të reja të qeverisë, e cila do të formohet
pas zgjedhjeve.
Qendra e UNMIK-ut
për menaxhimin e resurseve njoftoi se programi i kredisë në
shumë prej 674,000 DM, i financuar nga qeveria italiane, kishte
gjeneruar të ardhura për qindra banorë të Kosovës.
Komuna e Prishtinës
përfundoi rrënimin e shtatë ndërtesave, të
cilat ishin ndërtuar në mënyrë joligjore në
tokën e komunës.
4 tetor
Kofi Annan apeloi
për përfundim të sulmeve ndaj serbëve të Kosovës
dhe për zgjedhje jo të dhunshme.
UNMIK-u bëri
të ditur se spastrimi i minave do të përfundojë
nga fundi i vitit.
Komuna e Obiliqit
përcaktoi një sërë nivelesh të ndryshme të
taksave për t'u zbatuar për të gjitha pronat në
pronësi private, siç janë shitoret, bizneset, banesat,
shtëpitë.
Senati i Universitetit
të Prishtinës miratoi një pako të reformave për
arsimin e lartë të drejtësisë, të sponsorizuar
nga Qendra e Drejtësisë e Kosovës.
Në Ferizaj
u inaugurua ndërtesa e bibliotekës së re.
5 tetor
Komisionari i BE-së
për marrëdhënie të jashtme, Chris Paten, dhe përfaqësuesi
i lartë i BE-së për politikë të jashtme dhe
siguri, Javier Solana, u takuan me udhëheqësit politikë
të Kosovës, me zyrtarët më të lartë të
UNMIK-ut dhe të KFOR-it në Prishtinë. Solana nxiti serbët
e Kosovës për të marrë pjesë në zgjedhjet
e ardhshme, që ishin një "moment historik."
BE vuri në
dispozicion më tepër se 45 milionë euro për t'i
përkrahur projektet e ndryshme të zhvillimit në Kosovë.
Agjencioni Evropian
për Rindërtim dhuroi 2.5 milionë euro për projekte
për të siguruar pjesëmarrjen më të madhe të
mundshme në zgjedhje.· Duke i raportuar Këshillit të
Sigurimit, PSSP parashikoi shtyrjen e vendimit të serbëve
të Kosovës për të votuar apo për të mos
votuar në zgjedhje.
Këshilli i
Sigurimit i KB-ve u apeloi udhëheqësve të shqiptarëve
të Kosovës dhe përfaqësuesve të shoqërisë
civile që publikisht ta dënojnë dhunën dhe ekstremizmin
etnik, dhe Beogradit që aktivisht ta nxisë pjesëmarrjen
e serbëve të Kosovës në zgjedhjet e nëntorit.
8 tetor
Në hapin tjetër
drejt përpilimit të listës së përpiktë
të votuesve, OSBE-ja filloi periudhën e sfidimit dhe të
konfirmimit, që do të vazhdojë deri më 17 tetor.
OSBE filloi seminare
për kandidatët në zgjedhjet për Kuvend për
ta diskutuar rolin e demokracisë parlamentare dhe si ata, nëse
zgjedhen si përfaqësues, do të mund t'i kontribuonin
qeverisjes demokratike në Kosovë.
9 tetor
Këshilli i
Përkohshëm Administrativ diskutoi projektrregulloret mbi patentëshoferët,
themelimin e Bordit Financiar të Kosovës, një regjim
për raportin financiar të organizatave të biznesit dhe
mbi amandamentet ndaj Buxhetit të Konsoliduar të Kosovës.
Departamenti i Arsimit,
Shkencës dhe Teknologjisë mbajti një konferencë
për gazetarë përkitazi me çështjen e legjislacionit
mbi arsimin e lartë dhe shkollat në përgjithësi.
9-10 tetor
Zëvendëskryeministri
serb Nebojsha Çoviq, bashkëbiseduesi i Beogradit me UNMIK-un,
vizitoi zonat e banuara me serbë në Kosovë dhe u takua
me udhëheqës vendorë, me komandantin e KFOR-it, me zyrtarë
të UNMIK-ut dhe me përfaqësues të organizatave të
tjera ndërkombëtare. Ai gjithashtu vizitoi burgun e Mitrovicës.
10 tetor
Departamenti i Rindërtimit
mbajti konferencën e vet të parë mbi D.TH.M.B.-detyra
për thjeshtëzimin e mjedisit të biznesit-që synon
avancimin e një politike koherente në përkrahjen e zhvillimit
të ndërmarrjeve të vogla dhe të mesme.
10 - 11 tetor
Tetë anëtarë
të delegacionit të Parlamentit Evropian për marrëdhënie
me Evropën juglindore vizituan Kosovën dhe u takuan me udhëheqësit
e saj politikë, e gjithashtu edhe me zyrtarët më të
lartë të UNMIK-ut.
11 tetor
Duke paraqitur rezultatet
e vlerësimit të vet mbi varfërinë në Kosovë,
Banka Botërore propozoi një strategji dykomponentëshe
për uljen e varfërisë: një rritë ekonomike
nëpërmjet punës intensive, dhe zgjerimin e ndërmarrjeve
të vogla dhe të mesme.
Departamenti i Tregtisë
dhe Industrisë njoftoi se 65% të zotimeve të donatorëve
në sektorin për rindërtimin e shëtpive kanë
përfunduar.
Kompleksi xehetaro-metalurgjik
Trepça pranoi një ndarje prej 9.43 milionë DM nga Buxheti
i Konsoliduar i Kosovës për çerekun e katërt të
vitit 2001.
12 tetor
Kombet e Bashkuara
dhe Sekretari i Përgjithshëm Kofi Annan u shpërblyen
me Çmimin Nobel për Paqe për vitin 2001.
Shkolla e Shërbimit
Policor të Kosovës në Vushtrri mbajti ceremoninë
e diplomimit për gjeneratën e parë të pedagogëve
për patentshoferë.OSBE-ja promovoi "Brengat e Kosovës"-një
libër që përmban pikëpamjet e qindra njerëzve
nëpër tërë Kosovën, që është
një shprehje e asaj për të cilën ata besojnë
se janë çështjet më të rëndësishme
të cilave politikanët duhet t'u qasen në zgjedhje dhe
pasi të formohet qeveria.
Top
