4 shkurt
Në vazhdën
e takimeve të tij me udhëheqës politikë të
Kuvendit, ushtruesi i detyrës së PSSP-së Charles Brayshaw
mbajti diskutime me përfaqësuesit e bashkësive turke,
rome dhe boshnjake. Qëllimi i këtyre takimeve është
shqyrtimi i pozitës së tyre politike për gjendjen e tanishme
të marrëdhënieve në Kuvend dhe kuptimi i mendimit
të tyre të tanishëm.
Policia e UNMIK-ut
bëri të ditur se pas largimit të komisionarit të
polisicë, z. Christopher Albiston, më 31 janar, nënkomisionari
Adalbert Gross do ta marrë përsipër komandën e Policisë
së UNMIK-ut gjersa të emërohet komisionari i ri.
5 shkurt
Zëvendësi
i PSSP-së Jean-Christian Cady, shef i Shtyllës I, i tha Këshillit
të Përkohshëm Administrativ se të gjithë shqiptarët
e burgosur të Kosovës që mbahen në burgjet e Serbisë
duhet të transferohen në Kosovë, nga fundi i marsit të
vitit 2002. Ai tha se autoritetet e Beogradit tashmë ia kishin
dorëzuar UNMIK-ut dosjet e një numri të madh të
të burgosurve. Në burgjet serbe momentalisht gjenden 162 shqiptarë
të burgosur të Kosovës. "Ne do të ... shohim
cilët të burgosur duhet ta vuajnë dënimin në
Kosovë dhe cilët të burgosur janë të burgosur
politikë dhe prandaj duhet të lirohen sapo ata t'u transferohen
organeve të UNMIK-ut," tha Cady, duke shtuar se qasja e RFJ-së
në këto bisedime ishte tejet pozitive.
6 shkurt
Zyrat e ndërlidhjes
në Prishtinë të Shteteve të Bashkuara të Amerikës,
të Bashkësisë Evropiane, Gjermanisë, Francës,
Italisë, Danimarkës dhe të Britanisë theksuan përkrahjen
e plotë për përpjekjet e UNMIK-ut dhe të KFOR-it
për ta realizuar mandatin e tyre për mbajtjen e ligjit dhe
të rendit në Kosovë. "Nëse Kosova dëshiron
ta bëhet shoqëri e bazuar në idealet demokratike dhe
në respektin për sundimin e të drejtës, kosovarët
duhet të jenë të gatshëm ta dënojnë kriminalitetin-pa
marrë parasysh kryesit e veprimit ose viktimat," thuhet në
deklaratë. Tre persona të arrestuar kohëve të fundit
akuzohen për kryerjen e krimeve kundër shqiptarëve të
Kosovës dhe ata do të kenë mundësi të mbrohen
në gjykatë, thuhet më tutje në deklaratë.
7 shkurt
UNHCR-ja botoi librin
"Udhëtimi për në shtëpi, sfida humanitare në
Kosovë," që është një dokument vizual
me rreth 100 fotografi bardh e zi që përfshin ekzodin, kthimin,
zhvendosjen dhe riintegrimin e kosovarëve ndërmjet viteve
1999 dhe 2001. Periudha e përfshirë në këtë
libër pasqyron disa transformime dramatike nëpër të
cilat Kosova kaloi gjatë tri vjetëve të fundit: konflikti
i vitit 1999, i cili pa zhvendosjen e më tepër se 850,000
shqiptarëve të Kosovës; faza e paskonfliktit, në
të cilën humbja dhe dhembja ngadalë u zëvendësuan
me shpresa dhe fillime të ripërtërira; koha në të
cilën pejsazhi politik, socio-ekonomik dhe njerëzor ndërroi
plotësisht, zhvendosja dhe izolimi i qindra-mijëra anëtarëve
të pakicave të Kosovës dhe ardhja e refugjatëve
të rinj krijuan edhe një cikël tjetër të jotolerancës,
urrejtjes dhe të padrejtësisë.· Bordi udhëheqës
i BPK-së miratoi liçensat për katër kompani të
sigurimit për të punuar në Kosovë. Këto kompani
të sigurimit janë: Dardania, Siguria, Dukagjini dhe Insig.·
Tim O'Neil, zyrtari kryesor ndërkombëtar i Departamentit Kalimtar
të Tregtisë dhe Industrisë, u caktua si kryetar i ri
i Bordit Mbikëqyrës të KEK-ut.
8 shkurt
Qendra e Drejtësisë
e Kosovës (QDK) ishte nikoqire e ceremonisë së përurimit
të godinave të veta të reja në lagjen Ulpiana të
Prishtinës dhe paraqiti programin e vet strategjik për vitin
2002. Gjersa QDK do të vazhdojë ta përkrahë shkollimin
në Fakultetin Juridik, ajo gjithashtu do të sigurojë
trajnim për personelin e Ministrisë së Arsimit, Shkencës
dhe Teknologjisë.
Top
