26 shkurt
PSSP Michael Steiner
nënshkroi Rregulloren e UNMIK-ut 2000/4 mbi "Tatimin në
të ardhurat personale në Kosovë." Kjo rregullore
siguron që, duke filluar që nga 1 prilli 2002, punëtorët
në Kosovë do të fillojnë ta paguajnë tatimin
në të ardhura, kurse pagesat e para do të hiqen nga pagat
e tyre në muajin maj. Në personat që duhet ta paguajnë
tatimin përfshihen nëpunësit vendorë të ndërmarrjeve
publike dhe të bizneseve private, OJQ-të, nëpunësit
e qeverisë dhe ndërkombëtarët e punësuar në
biznese private. Punëtorët vendorë të UNMIK-ut lirohen
nga pagesa e këtij tatimi, si dhe personeli ndërkombëtar
që punon në zyrat diplomatike, në ndihmën teknike
ose në ndihmën humanitare.
27 shkurt
Në Prishtinë
u hap konferenca dyditore mbi legjislacionin e ekonomisë së
tregut, nikoqir i të cilës ishte Shtylla e Bashkësisë
Evropiane, në bashkëpunim me sekretariatin e Kuvendit. Pjesëmarrës
ishin anëtarët e Kuvendit, si dhe persona të profesioneve
juridike dhe ekonomike, zyrtarë të UNMIK-ut, donatorë,
përfaqësues të bashkësisë së biznesit
të Kosovës, OJQ-të dhe mediat. Pasi ishte e fundit në
vazhdën e ngjarjeve të hatuara për ta zhvilluar konceptin
e parë të një legjislacioni të ekonomisë së
tregut në Kosovë, konferenca ofroi prezentimet e Projektit
të BE-së për Stabilizim dhe Shoqërim në Ballkan
dhe rekomandimet për reforma në drejtësi.
28 shkurt
Pas diskutimeve
që zgjatën më tepër se pesë orë, udhëheqësit
e tri partive kryesore politike të shqiptarëve të Kosovës-Ibrahim
Rugova, nga LDK-ja, Hashim Thaçi, nga PDK-ja, dhe Ramush Haradinaj,
nga AAK-ja-nënshkruan marrëveshjen për kryetarin dhe
qeverinë e Kosovës, duke thyer kështu bllokadën
politike e cila, që nga zgjedhjet e përgjithshme të 17
nëntorit 2001, kishte penguar formimin e institucioneve të
reja vetëqeverisëse. Të tri partitë u morën
vesh që Ibrahim Rugova duhet të jetë kryetar i Kosovës,
kurse Bajram Rexhepi, nga PDK-ja, duhet të jetë kryeministër.
PSSP Michael Steiner tha më vonë se ai ishte "shumë
i kënaqur" me këtë marrëveshje. Dr. Rexhepi,
si kryeministër, "do të jetë shumë pozitiv
për Kosovën-mjek, i pranueshëm për të gjithë
dhe i zotuar për një Kosovë gjithëpërfshirëse,
demokratike dhe përparimtare," shtoi ai. Marrëveshja
gjithashtu definon ndarjen e posteve ministrore, të cilat do të
jenë: katër poste për LDK-në, dy për PDK-në
dhe dy për AAK-në. Në bazë të Kornizës
Kushtetuese, një ministër tjetër do të jetë
një serb i Kosovës dhe një përfaqësues i një
bashkësie jo-shqiptare.
PSSP Michael Steiner
vizitoi tregun e gjelbër të Prishtinës, ku ai i shpenzoi
DM-të e fundit që i kishin mbetur, për ta shënuar
ditën e fundit të kalimit në euro. Më vonë,
në zyrën e tij, ai u takua me Bajram Rexhepin, i cili qe propozuar
për kryeministër të Kosovës. Më pas, Michael
Steiner u takua edhe me komandantin e forcave aleate për Evropën
juglindore, admiralin Gregory Johnson. Pasdite, PSSP mbajti një
konferencë të shkurtër për shtyp përkitazi
me marrëveshjen për kryetarin dhe qeverinë e Kosovës.
Shtylla e IV-të
e UNMIK-ut paraqiti një sistem të pagesave ndërbankare,
i cili do ta lehtësojë pagesën dhe pranimin e parave.
Ky sistem do të mundësojë përcjelljen e pagesave
dhe të listave të pagave prej një xhirollogarie në
tjetrën brenda një dite. Mijëra lista të pagave
të nëpunësve, të pensioneve dhe të pagesave
të tjera do të përcillen drejtpërdrejt në xhirollogaritë
bankare, duke anashkaluar kështu rrjeshtat e gjatë në
banka ose sportelin me të holla të gatshme.
1 mars
Bizneset dhe organizatat
filluan një llogari individuale të pensioneve për punëtorët
e tyre. Ky plan nënkupton se do të ekzistojë një
kontribut mujor prej 5 për qind prej punëtorëve dhe 5
për qind prej punëdhënësve, të cilat drejtpërdrejti
do të shkojnë në llogarinë e kursimit të punëtorit.
Këto të holla nuk mund të përdoren ose të shpenzohen
nga qeveria ose nga bizneset dhe do t'u paguhen punëtorëve
me rastin e pensionimit, në moshën 65-vjeçare.
Top
