15 tetor
Duke iu drejtuar gazetarëve në Prishtinë, ushtruesi i
detyrës së PSSP-së, Tom Koenigs, tha se Çmimi
Nobel për Paqe, me të cilin u shpërblyen KB-të dhe
Sekretari i Përgjithshëm Kofi Annan ndihmoi që të
përtërihet angazhimi i UNMIK-ut për mbajtjen e zgjedhjeve
të qeta dhe demokratike më 17 nëntor. Ai i nxiti banorët
e Kosovës që t'i përqafojnë vlerat e barazisë
ndërmjet racave, religjioneve, grupeve etnike dhe gjinive, vlerat
që përkrahin tolerancën, shumëllojshmërinë
dhe respektin për të drejtat e njeriut.
Bojan Niçiq,
një serb i Kosovës, banor i Çagllavicës, mori
letërnjoftimin e njëmiliontë të UNMIK-ut në
një ceremoni që u mbajt në Graçanicë. Ushtruesi
i detyrës së PSSP-së, Tom Koenigs, tha se, edhe pse administrimi
nuk do të thoshte që njerëzit duhej të mirrnin pjesë
në zgjedhje, ata kishin një "obligim politik dhe demokratik"
për të votuar.
Nënkomisioni
i zgjedhjeve për ankesa dhe apele i dënoi tri subjekte politike
që i shkelën rregullat e zgjedhjeve në Kosovë. AAK
dhe PDK u dënuan me nga 250 DM për shkak se nuk e lajmëruan
policinë para se ta mbanin tubimin. Partia Popullore Turke e Kosovës
u dënua me 1,000 DM pasi në mënyrë mashtruese mblodhi
nënshkrime të falsifikuara për vërtetimin e konkurrimit
të vet.
Shtylla II e UNMIK-ut
bëri të ditur se do të akreditohen mijëra vëzhgues,
që nuk janë anëtarë të OSBE-së, për
t'i vëzhguar zgjedhjet për Kuvend. Ata përbëjnë
një ekip të vëzhguesve ndërkombëtarë dhe
dy grupe të vëzhguesve vendorë, të zgjedhur nga
shoqëria civile e Kosovës, sektori i OJQ-ve dhe nga subjektet
jo-politike.
16 tetor
Këshilli i
Përkohshëm Administrativ diskutoi projektrregulloren mbi flamujt
zyrtar, por gjithashtu edhe strukturën e Kuvendit dhe futjen e
euros në përdorim.
Komisioni Qendror
i Zgjedhjeve aprovoi listën e kandidatëve të 25 subjekteve
politike që konkurrojnë në zgjedhjet e ardhshme. Gjithsej
janë aprovuar 1,282 kandidatë.
Grupi i Kontaktit
mbi personat e zhdukur diskutoi projektprotokolin mbi riatdhesimin tejkufitar
të kufomave të identifikuara, që do të jetë
bazë për të gjitha riatdhesimet e ardhshme në të
dy anët e kufijve administrativë.
17 tetor
Zëvendëskryeministri serb Nebojsha Çoviq vizitoi Kosovën
dhe u takua me udhëheqësit e lartë të UNMIK-ut,
e gjithashtu edhe me udhëheqësit e subjekteve politike të
Kosovës. Ndër çështjet që u diskutuan ishin
situata e pakicave, siguria dhe liria e lëvizjes, të burgosurit,
të arrestuarit dhe të zhdukurit, të drejtat pronësore,
çështjet sociale, etj.
18 tetor
PSSP Hans Haekkerup nënshkroi Rregulloren 2001/27 mbi Ligjin Themelor
të Punës në Kosovë, duke formuluar ligjin themelor
që qeveris marrëdhëniet ndërmjet punëtorit
dhe punëdhënësit dhe të drejtat dhe obligimet e
tyre përkatëse.
Projektrregullorja
mbi raportin financiar iu dërgua selisë së KB-ve në
Nju Jork për miratim përfundimtar. Rregullorja e re do ta
themelojë bordin e Kosovës për raportin financiar dhe
një regjim për raportin financiar të organizatave të
biznesit. Ajo gjithashtu do ta përfshijë vërtetimin e
kontabilistëve dhe të kontrollorëve të liçencuar.
19 tetor
Provimi i judikaturës
në Kosovë u mbaj për herë të parë pothuaj
pas një dekade. OSBE-ja i organizoi orët e trajnimit për
provim, kurse provimin e udhëhoqi Departamenti i UNMIK-ut për
Çështje të Drejtësisë.· Ndërmarrja
e parë që mori hua nga unioni i përkohshëm kreditor-prodhuesi
i mobileve "Galanteria" në Podujevë-kremtoi 14-vjetorin
e vet dhe i paraqiti prodhimet dhe pajisjet e veta që i mori nëpërmjet
huasë.
Top
