11 mars
PSSP Michael Steiner
ishte në Bruksel, ku u takua me Sekretarin e Përgjithshëm
të NATO-së Lord Robertson, dhe iu drejtua Këshillit të
Bashkësisë Evropiane për Çështje të
Përgjithshme. Kjo ishte ndalja e parë e udhëtimit njëjavësh,
me interes të drejtpërdrejtë në zhvillimet në
Kosovë, nëpër disa kryeqytete. Qëllimi i udhëtimit
ishte "të lobonte për Kosovën" dhe ta theksonte
rëndësinë e përkrahjes së vazhduar ndërkombëtare
mbi nivelet politike dhe ekonomike për Kosovën dhe për
institucionet e reja të vetëqeverisjes së përkohshme.
ZPSSP Charles Brayshaw ishte ushtrues detyre i PSSP-së gjatë
javës.
13 mars
PSSP mbajti takime
në Uashington DC me Sekretarin e Shtetit të SHBA-ve Colin
Powel dhe me këshilltarin e SHBA-ve për Siguri Kombëtare
Condeleeza Rice. Ai shkurtimisht i informoi zyrtarët amerikanë
për përparimin e UNMIK-ut në zbatimin e Rezolutës
1244 të KSKB-së dhe për formimin e institucioneve të
përkohshme të vetëqeverisjes (IPVQ). Ata gjithashtu diskutuan
planet dhe masat e UNMIK-ut për t'iu kundërvënë
krimit të organizuar dhe për t'i parandaluar organizatat dhe
individët që janë të lidhur me terrorizëm nga
përdorimi i Kosovës si bazë ose zonë tranziti. Ata
gjithashtu diskutuan prospektet për kthimin e personave të
zhvendosur, por edhe si të ngadalësohet ekzodi i mëtutjeshëm
i pakicave.
14 mars
Pjesa e tretë
e udhëtimit të PSSP-së Michael Steiner e shpuri atë
në Londër për takime me sekretarin e Mbretërisë
së Bashkuar për punë të jashtme Jack Straw dhe me
ministrin britanik të Punëve të Jashtme Dennis McShane.
15 mars
Kryeministri Bajram
Rexhepi hapi mbledhjen e parë zyrtare të kabinetit, duke vënë
përpara prioritetet për IPVQ-të. Nëntë prej
dhjetë ministrave të kabinetit në IPVQ ishin të
pranishëm. Ministri i bujqësisë, pylltarisë dhe
zhvillimit rural, i cili do të jetë serb i Kosovës, duhet
të emërohet. ZPSSP Charles Brayshaw, i cili ishte mysafir
në këtë mbledhje, tha se populli i Kosovës dhe bashkësia
ndërkombëtare po pritnin që qeveria e re ta përkrahte
respektin për sundimin e të drejtës dhe pajtimin me të.
"Në bazë të sundimit të së drejtës,
njerëzit do ta ushtrojnë lirinë e tyre dhe të drejtën
e tyre për ta ndërtuar një Kosovë përparimtare
dhe stabile për të mirën e të gjithëve,"
tha ai. "Sfida e parë me të cilën ju përballeni
është krijimi i një administrate të paanshme dhe
efikase, që i shërben tërë popullit të Kosovës."
Dr. Rexhepi premtoi një qeveri të transparencës së
plotë, që punon në bashkëpunim me UNMIK-un dhe KFOR-in.
Secili ministër do të mbahet personalisht përgjegjës
për punën e vet. Ai tha se qeveria do të përqëndrohet
në këto prioritete: zhvillimi ekonomik; reformat në arsim;
integrimi i pakicave; kompletimi i infrastrukturës legjislative;
kurajimi i ndërmarrjeve të vogla dhe të mesme; kërkimi
i investimit nga jashtë; përmirësimi i cilësisë
së kujdesit shëndetësor dhe rritja e shërbimeve
publike. Ai tha se zyra e tij posaçërisht do t'i kurajonte
kërkesat nga pakicat për vende pune në strukturat ekzekutive.
UNMIK-u dhe KFOR-i
filluan amnistinë njëmujore për armë, me porosinë
kryesore se populli që posedon armë ilegale duhet "t'i
dorëzojë të gjitha armët dhe ta bëjë Kosovën
vend të sigurt për të gjithë." Personat që
armët i dorëzojnë para 15 prillit nuk do të ndiqen.
KFOR-i i përkujton njerëzit që të mos dërgojnë
mjete shpërthyese, siç janë minat dhe granatat e dorës,
në pikat për grumbullimin e armëve, por, në vend
të kësaj, ta informojnë KFOR-in dhe Policinë e UNMIK-ut
se ku gjenden ato, të cilët më pas do ta rregullojnë
mbledhjen e tyre.
PSSP Michael Steiner
ishte në Moskë për t'i vazhduar bidsedimet mbi rëndësinë
e përkrahjes ndërkombëtare për Kosovën. Ai
bisedoi me ministrin e punëve të jashtme të Rusisë
Igor Ivanov. Z. Steiner u kthye në Prishtinë në fundjavë.
Top
