18 Mars
PSSP Michael Steiner udhëtoi për në Shkup për bisedime
me kryetarin e IRJM-së Boris Trajkovski dhe arriti një marrëveshje
për themelimin e një Komisioni të Përbashkët
të Ekspertëve për të diskutuar çështjet
praktike të dala nga problemet e kufirit. Pas mbledhjes, PSSP Michael
Steiner iu tha mediave se marrëveshja e kufirit ndërmjet IRJM-së
dhe Republikës Federale të Jugosllavisë e nënshkruar
në shkurt 2001, duhet të respektohet. Ai shtoi se: "Ne
të dy u pajtuam për nevojën e marrjes parasysh të
jetërave të njerëzve të rëndomtë."
Komisioni nuk do të merret me caktimin e kufijve por me problemet
praktike në terren. Komisioni pritet të takohet sa më
shpejtë që të jetë e mundur. Bashkëkryesuesi
i UNMIK-ut në komision do të jetë Jean Cady, i cili është
kryesues i "Shtyllës I", krahu i Policisë dhe Drejtësisë
i Misionit të KB-së në Kosovë. Z. Cady, gjithashtu
ka mandat të diskutojë bashkëpunimin policor me autoritetet
e IRJM-së dhe çështjen e pranimit të targave,
dokumenteve të udhëtimit dhe vizave të Kosovës.
UNMIK-u në bashkëpunim me UNHCR-in, njoftoi se do të
fillojë regjistrimin dhe ri-regjistrimin e personave nga IRJM me
mbrojtje të përkohshme në Kosovë. Kjo detyrë,
e cila do të zbatohet përmes Qendrave Komunale të Regjistrimit
Civil në pesë regjionet (Gjilan, Mitrovicë, Pejë,
Prishtinë dhe Prizren), do të fillojë të hënën
më 25 mars. Një numër i konsiderueshëm i këtyre
personave kanë arritur në Kosovë gjatë fillimit
të vitit 2001, dhe ishin regjistruar me të arritur. Një
pjesë e madhe e tyre tani janë kthyer në shtëpi
për shkak të situatës së përmirësuar në
IRJM, por UNMIK-u dhe UNHCR-i duhet të marrin informata të
sakta mbi të gjithë personat, të cilët ikën
nga konflikti në IRJM dhe të cilët ende jetojnë
në Kosovë në mënyrë që të vazhdojnë
planifikimin dhe sigurimin e shërbimeve publike për ta.
19 Mars
PSSP Michael Steiner mbajti një mbledhje "intensive dhe të
frytshme" me anëtarët serbë të Kuvendit të
Kosovës. Tri çështjet kryesore të diskutuara ishin
pjesëmarrja e serbëve në qeveri në pajtueshmëri
me të drejtën e tyre kushtetuese; çështja e të
kthyerve; dhe situata e sigurisë në Kosovë. Në një
konferencë për shtyp pas bisedimeve, Z. Steiner tha se ai
kishte për qëllim të vazhdojë më rregullisht
dialogun me anëtarët e zgjedhur të Kuvendit. Sa i përket
pjesëmarrjes së serbëve në Qeverinë e Përkohshme,
Z. Steiner shpjegoi se anëtarëve serbë të Kuvendit
i është ofruar Ministria për Bujqësi, Pylltari dhe
Zhvillim Rural, dhe një post i sapokrijuar i një asistenti
të ministrit përgjegjës për bashkëpunim në
çështjet e të kthyerve dhe mbi çështjet
e bashkësive, në kuadër të zyrës së Kryeministrit.
PSSP Michael Steiner nënshkroi Rregulloren 2002/6 mbi masat e fshehta
dhe teknike të vëzhgimit dhe hetimit, e cila do të ndihmojë
luftën kundër krimit të organizuar dhe krimeve të
tjera në Kosovë. Rregullorja do t'iu mundësojë autoriteteve
të zbatimit të ligjit të përdorin masa teknike siç
janë ndërprjerja e telekomunikimeve, përshirë "përgjimin
shëtitës", kontrollin e gjërave postale, vëzhgimin
e fshehtë fotografik dhe të videos në shtëpi private,
përdorimin e pajisjeve të përcjelljes ose të pozicionimit,
vëzhgimin e fshehtë të bisedave, ndërprerjen e komunikimeve
me një rrjetë të kompjuterit, hetimet sekrete, matjen
e thirrjeve telefonike dhe zbulimin e të dhënave financiare.
Rregullorja, e cila do të jetë në fuqi për një
periudhë fillestare njëvjeçare është projektuar
ashtu që t'i përshtatet standardeve ndërkombëtare
të të drejtave të njeriut.
21 Mars
Qeveria e Kosovës u takua për herë të dytë.
Ajo vazhdoi diskutimin mbi prioritetet dhe përparimin për
sa i përket Planit të Qeverisë dhe rekomandoi se do të
konsultohet me partitë politike dhe anëtarët e shoqerisë
civile mbi parimet e Planit. Qeveria tha se ka ndërmend të
sigurojë transparencë dhe pjesëmarrje të plotë
të të gjithë segmenteve të shoqërisë.
Gjithashtu u mirëprit edhe takimi i PSSP-së me Kryetarin e
IRJM-së Trajkovski.
Top
