24 prill
Një tërmet, me intensitet mbi pesë shkallë të
Rihterit, goditi Kosovën rreth orës 13:00. Një njeri
vdiq dhe së paku 100 të tjerë u lënduan në
Gjilan, qytet në Kosovën lindore. Njeriu vdiq në rrugën
kryesore të Gjilanit kur copëra të minares së xhamisë
më të madhe në qytet, e cila po rrëzohej, ranë
mbi të. Nja 50 veta kishin eshtra të thyer dhe lëndime
nga copat e xhamave që kërcenin nga ndërtesat e shumta
që po dëmtoheshin në qytetin e përzier etnikisht.
Trupat e Mbrojtjes së Kosovës, KFOR-i i SHBA-ve, Shërbimi
Policor i Kosovës dhe Policia e UNMIK-ut, administrata komunale
dhe administrata rajonale e UNMIK-ut reaguan ndaj tërmetit. Gjatë
natës, tërmeti u ndie edhe në pjesën tjetër
të Kosovës. Disa njerëz fjetën jashtë shtëpive
të tyre, në vetura ose në tenda.
PSSP Michael Steiner
mbajti një fjalim para Këshillit të Sigurimit të
OKB-së në Nju Jork. Ai foli për atë që është
arritur në UNMIK, për prioritetet për të ardhmen
e afërt dhe përcaktoi etapat që ishte duhur të arriheshin
para fillimit të diskutimit mbi statutin e Kosovës. Këshilli
i Sigurimit mirëpriti fjalimin e tij dhe e siguroi z. Steiner se
do ta ketë përkrahjen e tij të plotë.
25 prill
ZPSSP Charles Brayshaw
vizitoi Gjilanin për t'u takuar me personat e lënduar dhe
për t'i parë vetë dëmet që i ishin shkaktuar
qytetit nga tërmeti. Brayshaw vizitoi qendrën e qytetit, e
cila pësoi më së shumti dëme gjatë tërmetit,
parkun, në të cilin ishin ngritur strehimoret për personat
shtëpitë e të cilëve ishin dëmtuar dhe spitalin,
ku ai u takua me mjekët, infermieret dhe personat e lënduar.
Ai përgëzoi personelin e spitalit për "punën
e mrekullueshme" që kishin bërë pasi personat e
lënduar kishin filluar të arrinin në spital.
Prokurori ndërkombëtar
për Prizren ngriti një aktpadi që i ngarkon policin e
UNMIK-ut, Martin Almer, dhe dy pjesëtarë të SHPK-së,
Feriz Thaçin dhe Isa Ullurin, për lëndime të rënda
trupore, për lëndime të lehta trupore, për marrje
të deklaratës me detyrim, për malltretim gjatë kryerjes
së detyrave, për shpërdorim të zyrës dhe për
dhënie të një deklarate të falsifikuar - që
dalin nga keqtrajtimi i një të burgosuri më 25 shkurt
2002. Gjatë aktpadisë, prokurori kërkoi burgosjen e z.
Almer. Pasi z. Almer momentalisht nuk gjendet në Kosovë, prokurori
ka kërkuar lëshimin e urdhërarrestit ndërkombëtar.
26 prill
Një shqiptar
u vra, kurse dy të tjerë u lënduan gjatë një
të shtëne me trupat maqedone afër kufirit të Maqedonisë
me Kosovën. Sipas një zëdhënësi të armatës,
personi kishte hapur zjarr në një patrullë kufitare nga
një kamion me të cilin ishte përpjekur ta kalonte kufirin
ilegalisht. Patrulla ktheu zjarrin dhe më pas u ndodh nën
zjarr nga grupi i dytë i personave nga ana tjetër e kufirit
në Kosovë. Trupat i shpërndanë të dy grupet.
Një njeri i vdekur dhe dy persona të plagosur u gjetën,
kurse pesë të tjerë u zunë.
27 prill
Një polic i
SHPK-së nga Mitrovica veriore u sulmua nga një grup i madh
i personave të panjohur gjersa ishte duke shkuar në punë.
Ata e rrahën atë dhe ia vodhën automjetin. Polici u dërgua
në spital, kurse policia është duke i kryer hetimet lidhur
me këtë rast.
28 prill
Disa tërmete
sekondare e goditën rajonin lindor të Kosovës, posaçërisht
qytetin e Gjilanit. Asnjë njeri nuk u lëndua, megjithatë,
dëmet e shtëpive ishin të mëdha.
Top
