7 maj
PSSP Michael Steiner
bëri të ditur se zgjedhjet komunale në mbarë Kosovën
do të mbahen më 26 tetor 2002. Ai sqaroi se një vonesa
në lejimin e buxhetit të OSBE-së për zgjedhje, që
ishte miratuar më 19 prill, shkaktoi vonesë në fillimin
e procedurave operative për zgjedhje dhe, më pas, ndërrimin
e datës nga 21 shtatori, siç ishte shpallur më herët.
"Koha minimale që nevojitet për udhëheqjen e zgjedhjeve
të këtij lloji, në përputhje me standardet më
të larta ndërkombëtare, është gjashtë
muaj" tha PSSP. "Këto standarde do të mirëmbahen."
Zyrtarët e
UNMIK-ut dhe të UNHCR-së i informuan shkurtimisht shtetet
donatore në Prishtinë mbi vlerësimet dhe planet e tyre
për lehtësimin e kthimit të personave të zhvendosur
jo-shqiparë në Kosovë. "Respekti për të
drejtat e serbëve dhe të pakicave të tjera për t'u
kthyer dhe mbetur është pikënisje kryesore për zhvillimin
e shoqërisë kosovare, dhe për hyrje në Evropë,"
tha PSSP Michael Steiner me rastin e hapjes së konferencës
për donatorë. Ai dhe Werner Blatter, koordinator rajonal i
UNHCR-së për Evropën Juglindore, theksuan rolin e zgjedhjes
individuale me rastin e vendosjes për t'u kthyer. Ata thanë
se asnjë organizatë nuk do t'i sponsoronte kthimet "politike."
9 maj
Pas takimit me anëtarin
e Parlamentit Evropian, Doris Pack, PSSP Michael Steiner ndau porosinë
"Dita e Evropës" me popullin e Kosovës. "Bashkësia
Evropiane u krijua para 52 vjetësh, u ndërtua në bazë
të parimeve themelore të respektit për institucionet
demokratike, për të drejtat e njeriut dhe për sundimin
e të drejtës," tha PSSP. "Këto vlera të
rëndësishme, si dhe shumëllojshmëria e kulturave
dhe traditave, kanë formuar bazën për integrim evropian
gjatë 50 vjetëve të kaluara." Ai theksoi se Dita
e Evropës në Kosovë ishte një mundësi për
të shikuar prapa, në disa vjetët e fundit, dhe për
ta pasqyruar përparimin që ishte arritur. "Ardhmëria
e Kosovës është në Evropë," deklaroi z.
Steiner.
Duke iu drejtuar
Kuvendit të Kosovës, PSSP Michael Steiner tha se UNMIK-u po
i transferonte hap pas hapi kompetencat dhe përgjegjësitë
prej bashkësisë ndërkombëtare tek institucionet
e vetëqeverisjes së përkohshme. Ai theksoi edhe një
herë se përparimi i Kosovës drejt një gjendjeje
normale dhe integrimit nuk ka të bëjë vetëm me sigurinë
fizike-kjo ka të bëjë me shtëpitë, vendet e
punës, arsimin, shërbimet publike," sqaroi PSSP. Ai gjithashtu
theksoi se nuk do të ketë ndarje të Kosovës dhe
kthim në statuskuonë e para vitit 1999."
PSSP Michael Steiner
shkoi në Gjilan për ta rivlerësuar punën që
po vazhdonte që nga koha e tërmetit. Ai vizitoi fshatin Livoc
i Epërm, fshat i përzier në të cilin shqiptarët
dhe serbët janë angazhuar në projekte të ndërsjella,
siç është themelimi i një shkolle dhe ambulante
të përbashkët, dhe janë duke u përgatitur për
kthimin e banorëve të mëparshëm.
Ministria e Kulturës,
Rinisë, Sportit dhe Çështjeve Jo-Rezidente shpalli
të premten, më 10 maj, hapjen e dy ekspozitave të piktorëve
të njohur shqiptarë. Të dy ekspozitat-e Haki Xhaklit
në Kaçanik dhe e Avni Behlulit në Ferizaj-do të
jenë të hapura deri më 23 maj.
10 maj
Një konferencë
rajonale për t'i diskutuar mundësitë për luftimin
e kontrabandës me cigare u mbajt në Prishtinë, si pjesë
e përpjekjeve të UNMIK-ut për ta luftuar krimin e organizuar
dhe korrupcionin, dhe për të krijuar kushte për rritën
ekonomike. Në këtë ndodhi morën pjesë ministrat
e financave nga Shqipëria, Bosnja dhe Hercegovina, Bullgaria, Kroacia,
Mali i Zi, Serbia dhe IRJ e Maqedonisë. Ata diskutuan mundësitë
për luftimin e kontrabandës, e cila shpie në humbje të
madhe të të ardhurave publike.
Top
