10 qershor
Këshilltari
i lartë i sapoemëruar në zyrën e kthimeve dhe të
bashkësive-z. Nenad Radosavleviq, 40-vjeçar, ish-kryetar
i kuvendit të komunës së Leposaviqit dhe ish-anëtar
i Kuvendit të Kosovës-mori detyrën e vet në selinë
e UNMIK-ut. Ndër përgjegjësitë e tij kryesore do
të jetë këshillimi i UNMIK-ut mbi mënyrat për
ta ndihmuar zhvillimin ekonomik përkitazi me kthimin e personave
të zhvendosur dhe integrimin e pakicave. Ai do të luajë
rol të rëndësishëm në formësimin e politikave
të punës përkitazi me lehtësimin e kthimeve dhe
integrimin e pakicave etnike në rrjedhat kryesore të shoqërisë
në Kosovë. PSSP Michael Steiner mirëpriti ardhjen e z.
Radosavleviq. "Me këshilltarin tim të lartë, që
tani është në zyrë, dhe me koordinatorin ndërministror
për kthime, që tashmë është emëruar, ne
mund të fillojmë të bëjmë përparim të
rëndësishëm në çështjen e kthimeve-kthimeve
vërtet të qëndrueshme-si dhe për mënyrat drejt
integrimit më të mirë të bashkësive jo-shumicë
në shoqërinë e Kosovës," tha ai. "Unë
jam i kënaqur ta kem z. Radosavleviq në anën time për
t'i përmirësuar prospektet tona për krijimin e një
Kosove shumetnike dhe të integruar."
12 qershor
Anëtarët
e qeverisë së Kosovës dhanë betimin e zyrës,
duke shënuar kështu kompletimin e ekzekutivit. Në një
ceremoni të udhëhequr në praninë e PSSP-së
Michael Steiner dhe të kryeministrit Bajram Rexhepi, ministrat
e qeverisë dhe koordinatori ndërministror për kthime
dhanë betimin, duke u betuar se do t'i përmbahen ligjit, institucioneve
të Kosovës dhe funksioneve të zyrës "në
interesin më të mirë të të gjithë qytetarëve
të Kosovës pa diskriminim në asnjë bazë."
Në vërejtjet e tij, PSSP Michael Steiner tha se ishte "shumë
e kënaqshme që pikërisht në trevjetorin e ardhjes
së bashkësisë ndërkombëtare në Kosovë,
ne gjendemi këtu për ta shënuar kompletimin e qeverisë
shumetnike të Kosovës. Ne jemi në proces të bartjes
së kompetencave tek qeveria. Përgjegjësi të dukshme
janë bartur tani nga UNMIK-u në duart tuaja dhe do t'u barten
edhe më tepër përgjegjësi." Kryeministri Rexhepi
tha se ishte "i kënaqur për formimin e qeverisë
me të gjithë ministrat. Ne do të punojmë në
emër të të gjithë qytetarëve të Kosovës.
Me rastin e trevjetorit
të ardhjes së UNMIK-ut dhe të KFOR-it në Kosovë,
PSSP Michael Steiner u tha gazetarëve në Prishtinë se
bashkësia ndërkombëtare kishte për çka të
krenohej. Rindërtimi i vazhdueshëm i Kosovës dhe energjia
e madhe personale ishte rezultat i nismës së popullit, por
gjithashtu edhe rezultat i më tepër se dy miliardë dollarëve
amerikanë të dhëna nga donatorët ndërkombëtarë,
kryesisht nga BE-ja. Megjithatë, Kosova më nuk do të
varet vetëm nga donacionet: prej 374 milionë i të Buxhetit
të Konsoliduar të Kosovës, 93 për qind e tyre do
të vijnë nga të ardhurat e prodhuara në vend, kurse
vetëm 7 për qind do të vijnë nga donatorët.
Suksesi më i madh i këtij viti ishte themelimi i qeverisë
shumetnike. "Prandaj, ne kemi arsye për të kremtuar,"
përfundoi PSSP Michael Steiner. "Por tani duhet t'i rrekemi
punës."
13 qershor
PSSP Michael Steiner
nënshkroi dy rregullore që hapin rrugën për privatizimin
e ndërmarrjeve në pronësi shoqërore në Kosovë.
"Ekonomia funksionuese e tregut është njëra prej
tetë pikënisjeve, " tha ai. "Ekonomia e tregut ka
nevojë për privatizim. Ne tani e kemi kornizën për
këtë." Rregullorja 2002/12 themelon Agjencionin Kosovar
për Mirëbesim, kurse Rregullorja 2002/13 themelon Dhomën
e Posaçme të Gjykatës Supreme të Kosovës
mbi çështjet e Agjencionit Kosovar për Mirëbesim.
Roli i Agjencionit Kosovar për Mirëbesim do të jetë
udhëheqja e privatizimit të ndërmarrjeve në pronësi
shoqërore në Kosovë dhe mbikëqyrja e udhëheqjes
së ndërmarrjeve në pronësi publike në Kosovë.
Jurgen Voss, zëvendës i ZPSSP-së për Shtyllën
IV të UNMIK-ut, Alexander Borg-Olivier, këshilltar ligjor
i UNMIK-ut, dhe Sidi M. Boubacar, përfaqësues i Bankës
Botërore, morën pjesë në ceremoninë e nënshkrimit.
Top
