19 qershor
Në një
përpjekje të ndërlikuar për gjetje dhe arrestim,
Policia e UNMIK-ut me sukses e përfundoi operacionin e vet për
t'i arrestuar të dyshimtit që ishin të përfshirë
në një sërë veprash penale kundër shqiptarëve
të Kosovës. Të arrestuarit janë shqiptarë të
Kosovës dhe dyshohet se ata kanë kryer krime të rënda
kundër shqiptarëve të Kosovës në qershor të
vitit 1999, si mbajtje joligjore në paraburgim dhe sulme të
rënda. Shumica e viktimave ende mungojnë. Gjashtë veta
u arrestuan për ato vepra-dy prej tyre u dorëzuan vullnetarisht-kurse
një person u arrestua për një vepër që nuk
lidhet me to, për posedim joligjor të armëve. Veprimet
e Policisë së UNMIK-ut u bazuan në një kërkesë
ligjore të një gjykatësi ndërkombëtar dhe u
udhëhoqën në mënyrë profesionale, duke respektuar
standardet ndërkombëtare të të drejtave të
njeriut dhe detyrat demokraktike policore.
Qëllimi i UNMIK-ut
dhe i qeverisë së sapoformuar të Kosovës ishte t'i
ndihmonin Kosovës të bëhej pjesë e një Evrope
të integruar, PSSP Michael Steiner tha në një takim të
procesit për bashkëpunim në Evropën jugore, që
u mbajt në Beograd. Por, për ta arritur atë qëllim,
duhet të përmbusheshin disa kritere. Ato ishin: krijimi i
institucioneve funksionuese demokratike; institucionalizimi i sundimit
të së drejtës; sigurimi i lirisë së lëvizjes
për çdokënd dhe gjithkund; kthimi dhe riintegrimi i
personave të zhvendosur; ringjallja e ekonomisë së Kosovës;
dhe sigurimi i të drejtave pronësore. Këto pikënisje
ishin parakusht që duhej përmbushur para se të mund të
zhvilloheshin bisedimet për statutin përfundimtar, dhe ato
ishin mjetet që do ta shpinin Kosovën drejt Evropës,
tha ai. Duke prekur çështjen e krimit dhe politikën
e tij të deklaruar të tolerancës zero për krim,
PSSP Michael Steiner sugjeroi që të krijohet një Balkanpol
ose SEEPol, e modeluar sipas Europol-it. Një organizate të
tillë do t'i nevojiteshin: organet mbarërajonale të zbulimit
për t'iu qasur trendeve dhe për ta ngritur vetëdijen
për rrjetet e krimit të organizuar; ndarja e të dhënave
ndërmjet policisë dhe organeve doganore; koordinimi i operacioneve,
si përkrahja për ekipet e përbashkëta të hetuesisë
të formuara nga mbarë rajoni. Ajo gjithashtu do të kishte
nevojë për bashkëpunim të përmirësuar
të policisë: për t'i ndjekur kriminelët në
shtëpi për krimet e kryera jashtë vendit; për t'i
burgosur kriminelët në shtëpi, të cilët sipas
rregullit janë dënuar jashtë vendit; për ta lehtësuar
mbledhjen e dëshmive dhe marrjen në pyetje të dëshmitarëve
që gjenden në shtetet e tjera; dhe për ta shtuar efikasitetin
e fletarrestimeve ndërkombëtare dhe të procedurave të
ekstradimit.
20 qershor
Andrew Whitley,
drejtor i zyrës për kthime dhe bashkësi (ZKB), bëri
të ditur se do të jipte dorëheqje nga UNMIK-u për
ta pranuar një ofertë për të shërbyer si drejtor
i marrëdhënieve të jashtme në UNWRA, agjencion i
OKB-së me seli në Gazë, që u ndihmon refugjatëve
palestinezë. "Më vjen keq që z. Whitley po e lëshon
misionin," tha PSSP Michael Steiner. "Unë e uroj atë
për emërimin e tij në një post të rëndësishëm
në fushën e çështjeve të refugjatëve.
... E di se z. Whitley do të na mungojë të gjithëve
në ekipin tonë, por ne i dëshirojmë atij çdo
të mirë në detyrën e tij të re," shtoi
ai. Derisa të mos arrijë shefi i ri i ZKB-së në
mision, z. Saber Azam do të shërbejë si ushtrues detyre
i ZKB-së.
Me rastin e ditës
botërore të refugjatëve, komesariati i lartë i OKB-së
për refugjatë (UNHCR) promovoi një libër të
sponsoruar nga iniciativa e femrave të Kosovës-"Femrat
kosovare, koleksion i pamjeve." Në një shfaqje të
bukur të fotografive elegante bardh e zi, "Femrat kosovare"
kremton jetën e nduarnduartë dhe të ndërlikuar të
femrave në Kosovën e pasluftës. Iniciativa e femrave
të Kosovës është program i koordinuar nga UNHCR-ja
që përpiqet t'i bashkojë dhe t'u japë kompetenca
femrave kosovare dhe ta përkrahë barazinë gjinore në
të gjitha aspektet e jetës civile. Në ndjekje të
këtij qëllimi, programi ka themeluar gjashtë këshilla
shumetnikë të femrave vendore në mbarë Kosovën
për t'i përzgjedhur dhe financuar projektet e vogla bazë
të zbatuara nga femrat vendore.
Top
