22 korrik
PSSP Michael Steiner
iu dorëzoi gjashtë kosovarëve patent-shoferët e
parë të UNMIK-ut gjatë një ceremonie të mbajtur
në Ministrinë për Shërbime Publike. Patent-shoferët
e UNMIK-ut zëvendësojnë patent-shoferët e vjetër
të RFJ-së, të cilat i mbajnë shumë njerëz
në Kosovë. Patent-shoferët ishin prodhuar nga Ministria
për Shërbime Publike (MSHP) në bashkëpunim me Qendrën
Qendrore të Procesimit (QQP). QQP-ja ka bazën e të dhënave
që përmbajnë hollësitë e rreth 200.000 njerëzve,
të cilët mbajnë patent-shoferët e vjetër të
RFJ-së. PSSP Michael Steiner, gjithashtu, njoftoi se vlefshmëria
e patent-shoferëve të RFJ-së do të zgjatet deri
më 31 dhjetor 2002.
23 korrik
10 hetues nga Guardia
di Finanza e Italisë do t'i bashkangjiten UNMIK-ut në luftën
kundër krimit financiar dhe korrupsionit në Kosovë, njoftoi
PSSP Michael Steiner. Gjatë një takimi me Nënsekretarin
Italian për Punë të Jashtme, Senatorin Roberto Antonione,
PSSP konfirmoi që 10 hetuesit do të arrijnë së shpejti
për t'iu bashkangjitur Njësisë Financiare të Inspektimit.
Arrdhja e tyre në Kosovë ishte kërkuar nga UNMIK-u.
24 korrik
Agjencioni Evropian
për Rindërtim festoi hapjen e dy urave tërësisht
të rindërtuara në Rakovinë në rrugën Klinë
- Gjakovë. Në ceremoni mori pjesë Ministri për Transport
dhe Komunikacion; Drejtoria e Rrugëve; kontraktuesi i Agjencisë,
Freyssinet, që kreu punën; si dhe përfaqësuesit
nga AER-i, KFOR-i dhe Policia e UNMIK-ut. Urat ishin shkatërruar
gjatë konfliktit në vitin 1999. Rreth 3 milionë euro
të fondit të UE-së ishin shpenzuar në rindërtimin
e urave.
25 korrik
Bordi i Drejtorëve
të Agjensisë Kosovare të Mirëbesimit (AKM) mbajti
sot mbledhjen e saj të parë inauguruese, duke shënuar
lansimin operativ të AKM-së. AKM-ja është përgjegjëse
për administrimin e ndërmarrjeve shoqërore dhe publike
në Kosovë dhe do të jetë përgjegjëse për
programin eventual të privatizimit për këto ndërmarrje.
Një aksident
tragjik i autobusit në vendkalimin Kulla në rrugën ndërmjet
Kosovës dhe Malit të Zi rezultoi me humbjen e jetës për
së paku 10 persona dhe me shumë të tjerë që
morrën lëndime të rënda. "Ky është
një moment shumë pikëllues dhe tragjik për familjet
e viktimave dhe për tërë Kosovën," tha PSSP
Michael Steiner pas vizitës në vendndodhjen e aksidentit.
Autobusi vinte nga bregdeti malazias dhe ishte drejtuar për në
fshatin Barilevë dhe lokacionet e tjera afër Prishtinës.
PSSP Michael Steiner
vizitoi fshatin Tupallë në Serbinë jugore për t'u
azhurnuar mbi çështjet e zgjedhjeve dhe për t'u takuar
me banorë dhe politikanë lokal. Në Tupallë ai takoi
kryetarin e këshillit lokal të komunës dhe diskutoi mbi
zgjedhjet e ardhshme komunale në Kosovë dhe në Serbinë
Jugore. Zgjedhjet në Serbinë Jugore janë mbajtur të
dielën (28 korrik). Zgjedhjet komunale për Kosovë janë
caktuar për në tetor.
26 korrik
PSSP Michael Steiner
falënderoi Qeverinë gjermane për ndihmën e saj emergjente
për riparimin e termocentralit kryesor elektrik të Kosovës,
i cili pësoi dëmtim të rëndë afat-gjatë
në një goditje të rrufesë javën e kaluar. Sekretari
Gjerman i Shtetit Erich Stather ka njoftuar se Gjermania do t'i japë
UNMIK-ut pesë milionë euro për riparime urgjente në
termocentralin Kosova B. Riparimet pritet të zgjasin disa muaj.
Ndërkohë, konsumatorët janë duke iu adoptuar jetës
me ndërprerje të rregullta të rrymës.
Top
