9 tetor
Udhëheqësi
i bashkësisë serbe Oliver Ivanoviq iu dorëzua një
gjykate të UNMIK-ut në Mitrovicën veriore dhe u akuzua
për udhëheqje të një demonstrate të dhunshme.
Akuza për tentativë për vrasje u hodh poshtë pasi
u përcaktua se ai nuk e kishte hedhur granatën e dorës
në policë gjatë një trazire në Mitrovicë
më 8 prill. Michael Steiner tha, "Unë mirëpres faktin
që Milan Ivanoviq vërtet u vu në dispozicion të
gjykatës legjitime të UNMIK-ut. Unë gjithnjë kam
thënë se kjo ishte mënyra e vetme e duhur e hapur për
të. Gjykatësi hetues tani do të vendosë për
hapat e tjerë që do të ndërmirren për këtë
rast."
11 tetor
UNMIK-u e dënoi
sulmin e dhunshëm të një turme kundër pensionistëve
në Pejë më 10 tetor 2002 si "të mjerueshëm,
të turpshëm dhe të neveritshëm." PSSP tha se
"ky incident është posaçërisht fatkeq pasi
ai shkon kundër trendit të përgjithshëm të
sigurisë së përmirësuar dhe të dhunës
në rënie e sipër. Çfarë ka menduar kjo turmë
se do të mund të arrite duke sulmuar një grup të
personave të moshuar që thjesht vinin për ta paraqitur
kërkesën për pension?" Z. Steiner shtoi: "Do
t'ju tregoj se çfarë arriti: dëm serioz për imixhin
e Kosovës në sytë e botës."
Komiteti energjetik
u takua për herë të pestë në selinë e
UNMIK-ut në një mbledhje të kryesuar nga PSSP. Në
të morën pjesë kryeministri Bajram Rexhepi, zëvendëskomandanti
i KFOR-it, gjeneralmajori Perruche, Josef Rieder (drejtor i përkohshëm
i KEK-ut) dhe shefi i Shtyllës IV Andy Bearpark. Z. Reider njoftoi
për statusin e ristrukturimit dhe për situatën e tanishme
në KEK. Komiteti gjithashtu dëgjoi një raport për
politikën e re të shkyçjes "Bëhu i rreptë,"
e cila tashmë i ka inkurajuar disa mospagues të mëdhenj
institucionalë që të fillojnë t'i paguajnë
faturat e tyre të papaguara.
12 tetor
Rreth 60 kompani
i ekspozuan mallrat dhe shërbimet e veta në panairin ndërkombëtar
Agrokos, që u mbajt në qendrën e rinisë Boro dhe
Ramizi në Prishtinë. Në këtë ekspozitë
u ekspozuan mallrat bujqësore, ushqimi i kafshëve dhe teknologjia
për përpunimin e ushqimit, dhe teknologjia e amvisërisë.
Shumica e ekspozuesve ishin nga Kosova, por të tjerët erdhën
nga rajoni i gjerë, përfshirë këtu Shqipërinë,
Maqedoninë dhe Bullgarinë. Gjatë një vizite në
këtë ekspozitë, Michael Steiner iu drejtua ekspozuesve
dhe mirëpriti iniciativën për ta organizuar një
panair të përqëndruar në prodhimet bujqësore,
në kompanitë përpunuese dhe në mallrat e amvisërisë.
"Ky është një treg që ka ardhmëri në
Kosovë, sepse në Kosovë ju mund t'i gjeni materialet
themelore, njohuritë dhe myshterinjtë për këto mallra,"
tha ai.
13 tetor
PSSP vizitoi dy
fabrika të suksesshme, në Pejë dhe në Suharekë,
për ta nënvizuar angazhimin e tij për ta përshpejtuar
rimëkëmbjen ekonomike në Kosovë. Në Pejë,
z. Steiner vizitoi fabrikën e birrës "Birra e Pejës,"
që është punëdhënësi i vetëm më
i madh në këtë komunë. Z. Steiner gjithashtu u takua
me kryetarin e kuvendit komunal Ali Lajçi dhe me kryeshefin ekzekutiv
Ramiz Zeka dhe u tha se sulmi i të enjtes kundër pensionistëve
serbë ishte i keq për Pejën dhe i dëmshëm për
imixhin e Kosovës si tërësi. Më pas, z. Steiner
vizitoi Osojanin, ku u takua, për më tepër se një
orë, me shumë pensionistë që ishin në autobus
kur incidenti ndodhi. Në Suharekë, PSSP vizitoi fabrikën
IGK Ballkan, industrinë kryesore për prodhimin e gomës
në Kosovë. Kjo kompani, e cila prodhon produkte të gomës
dhe shirita bartës, punëson 750 punëtorë dhe eksporton
në disa shtete fqinje dhe të Evropës perëndimore.
Njëri prej tregjeve të saj vendore është KEK-u.
"Pagimi i faturave të KEK-ut do të thotë se kompanitë
si kjo më pas mund të paguhen për pajisjet që ato
ia sigurojnë KEK-ut," tha ai. "Kosova punon më mirë
kur punon bashkë."
Top
