25 nëntor
Administrata e UNMIK-ut – Mitrovicë u themelua në Mitrovicën
veriore, në lokalet që më parë ishin të okupuara
nga administrata paralele. PSSP lëshoi një urdhëresë
administrative të hartuar për ta bërë më të
efektshëm ushtrimin e përgjegjësive administrative dhe
të kompetencave nga UNMIK-u në pjesën veriore të
komunës së Mitrovicës. Urdhëresa, mbi “Zbatimin
e Rregullores së UNMIK-ut 2000/45 mbi Vetëqeverisjen e Komunave
në Kosovë,” thekson se “që nga data e hyrjes
në fuqi të urdhëresës së tanishme administrative,
të gjitha përgjegjësitë dhe kompetencat që
u janë dhënë komunave dhe organeve administrative komunale
në bazë të Rregullores së UNMIK-ut 2000/45, do të
ushtrohen përkohësisht, për sa i përket pjesës
veriore të komunës së Mitrovicës, nën autoritetin
e administratorit komunal për Mitrovicë.” Administrata
e UNMIK-ut – Mitrovicë do të jetë struktura e vetme
që i ofron të gjitha shërbimet vendore qeveritare në
pjesën veriore të Mitrovicës. Këtë zyrë
e kryeson Ramesh Abhishek, që është zëvendës
i administratorit komunal John Rogers. Ai do ta ketë një personel
prej përafërsisht 120 vetash.
UNMIK-u i tha konferencës
së ministrave mbi Krimin e Organizuar në Evropën juglindore
se do të kërkonte bashkëpunim më të madh në
rajon, do ta ndërtonte kapacitetin vendor për ta luftuar krimin,
do ta përmirësonte infrastrukturën dhe kornizën
rregulluese dhe zbatimin e një strategjie gjithëpërfshirëse
kundër korrupcionit për ta luftuar krimin e organizuar në
Kosovë dhe rajon. ZPSSP Charles Brayshaw e përfaqësonte
UNMIK-un në konferencën e Brukselit. Konferencën, të
cilën e organizoi qeveria e Mbretërisë së Bashkuar,
e ndoqën përfaqësuesit e OKB-së, të shteteve
të BE-së, OSBE-së, SHBA-ve, Kanadës dhe Japonisë.
Në të gjithashtu morën pjesë përfaqësuesit
e fqinjëve të Kosovës. UNMIK-u prezentoi një dokument
të titulluar Fushat për Veprim Prioritar. Ky dokument theksonte
rëndësinë e ndërtimit mbi Deklaratën mbi Kontrabandimin
e Cigareve, duke kërkuar bashkëpunim më të madh
me policinë fqinje dhe me shërbimet fqinje doganore dhe duke
kërkuar krijimin e një programi për mbrojtjen rajonale
të dëshmitarëve. Konferenca ditore përfundoi me
një “Deklaratë të Londrës mbi mposhtjen e
krimit të organizuar në Evropën juglindore.”
27 nëntor
Gjatë vizitës
së PSSP-së Michael Steiner, UNMIK-u dhe IRJM nënshkruan
një protokoll mbi bashkëpunimin policor. Z. Steiner dhe udhëheqësit
e IRJM-së diskutuan çështjet e interesit dhe të
bashkëpunimit të ndërsjellë. Marrëveshja mbi
bashkëpunimin policor, e ngjashme me ato që tashmë janë
nënshkruar me autoritetet në Tiranë dhe Beograd, përfshin
këmbimin e informatave dhe bashkëpunimin në luftimin
e krimit të organizuar, terrorizmit, trafikut të femrave,
drogës dhe spastrimit të parave. Gjatë vizitës së
tij të parë që nga zgjedhja e qeverisë së re,
z. Steiner u takua me kryetarin Boris Trajkovski, kryeministrin Branko
Cervenkovski, zëvendëskryeministrin Musa Xhaferi dhe Ministren
e Punëve të Jashtme Ilinka Mitreva. PSSP tha në një
konferencë për gazetarë se ai kishte shkuar në Shkup
për të krijuar “marrëdhënie të mira fqinjësore
me qeverinë e sapozgjedhur.” Ai shtoi: “Kemi qasje
rajonale dhe mendoj se kemi çështje të përbashkëta.
Të gjithë pajtohemi se luftimi i krimit të organizuar
kërkon bashkëpunim në rajon. Të gjithë pajtohemi
se kemi interesa të ndërsjella në nxitjen e mëtutjeshme
të tregtisë në rajon dhe pajtohemi se duhet ta nxisim
lirinë e lëvizjes.”
29 nëntor
ZPSSP Andy Bearpark
hapi selinë e ekipit paraprak të AKM-së në Mitrovicën
veriore. Zyrat e reja janë vendosur në ndërtesën
Administrata e UNMIK-ut – Mitrovicë derisa lokalet e reja
të përhershme të jenë gati. Një ekip paraprak
i personelit të AKM-së ia ka filluar punës, kurse anëtarët
e tjerë do të vendosen kur zyrat e reja të jenë
gati. Janë duke vazhduar punët renovuese në mënyrë
që selia e re të jetë funksionale. Pritet që këto
zyra të jenë gati në çerekun e parë të
vitit 2003.
Top
