2 dhjeto
UNMIK-u barti zyrën
e RFJ-së për pasaporta, por edhe zyrat e tjera nga "ish-Ndërtesa
e partive politike," që gjindeshin në rrugën Nëna
Terezë, në një vendndodhje të re në zonën
industriale të Prishtinës, nja dy kilometra në jugperëndim
të kryeqytetit, në rrugën kryesore për në Fushë
Kosovë.
3 dhjetor
Regjistrimi i anëtarëve
të Kuvendit të ri filloi në Ndërtesën e Qeverisë.
34 anëtare
të Kuvendit morën pjesë në një kurs të
trajnimit, të cilin e organizuan OSBE-ja dhe Instituti Demokratik
Kombëtar. Ato mësuan dhe zbatuan shkathtësitë që
do ta shtonin ndërveprimin efikas brenda partive politike dhe do
ta përforconin kontributin e tyre si vendimmarrëse.
Menaxhmenti Penal
bëri të ditur për themelimin e një sistemi për
lirimin e mëhershëm të të burgosurve. Në bazë
të politikës së re, i burgosuri që tregon sjellje
të mirë, që përpiqet në punën e vet dhe
që aktivisht merr pjesë në projekte të dobishme
në atë burg dhe që i ka vuajtur tri të katërtat
e dënimit, mund të lirohet me kusht deri në tre muaj
para përfundimit të vuajtjes së dënimit.
4 dhjetor
Filloi trajnimi
për të gjithë anëtarët e Kuvendit të sapozgjedhur
të Kosovës. Konferenca shtatëditëshe për trajnim,
të cilën e organizuan OSBE-ja dhe Instituti Demokratik Kombëtar,
u përpoq t'i përgatiste parlamentarët për punën
e tyre të ardhshme, në mënyrë që të mund
t'i fitonin parimet themelore të qeverisjes në një shoqëri
demokratike.
5 dhjetor
Departamenti Kalimtar
i Tregtisë dhe Industrisë bëri të ditur hapjen e
tri agjencive të ndërmarrjeve rajonale në rajonin e Prishtinës,
Pejës dhe Gjilanit. Misioni i këtyre agjencive është
që t'i zhvillojnë ndërmarrjet e vogla dhe të mesme
duke u ofruar një gamë të shërbimeve të këshillimit,
duke ndihmuar në krijimin e një mjedisi të mirë
për biznes, dhe duke ofruar trajnim në zhvillimin e shkathtësive
të menaxhmentit për biznes.
Departamenti Kalimtar
i Arsimit, Shkencës dhe Teknologjisë filloi një projekt
për dhënien e kompetencave ministrisë, i cili do të
sigurojë ndihmë për Ministrinë e ardhshme të
Arsimit, Shkencës dhe Teknologjisë, duke zbatuar një
program për trajnim sistematik krahas sigurimit të ekspertizës
në sforcimin e institucioneve, menaxhmentit të personelit
dhe logjistikës. Projekti do të financohet nga një kredi
e Bankës Botërore që arrin shumën 500,000 dollarë
amerikanë.
6 dhjetor
Kuvendi i komunës
së Prishtinës filloi sërish aktivitetin e vet në
praninë e tre anëtarëve serbë të Kosovës.
Ndër çështjet që u diskutuan përfshihen:
buxheti i komunës, tatimi komunal mbi pronën, projektrregulloret
mbi rregullat dhe procedurat për ndërtim dhe caktim të
tokës për ndërtim për shfrytëzim të përkohshëm
dhe ndërtimi i institutit për kriminologji.
7 dhjetor
Departamenti Kalimtar
i Tregtisë dhe Industrisë bëri të ditur se do të
mbajë një sërë seminaresh mbi ligjin për garancionet
dhe mbi zyrën e themeluar së voni për skedimin e garancionit.
Projekti synon ta përkrahë zhvillimin e një ekonomie
të tregut në Kosovë.· ABPK mbajti një konferencë
për gazetarë mbi përgatitjet që po ndërmirren
për ta luftuar larjen e parave gjatë kalimit në euro.
Agjencioni Evropian
për Rindërtim ua dorëzoi komunave të Kosovës
pajisjet për mbledhjen e hedhurinave. Në një projekt
të financuar nga Bashkësia Evropiane, u dhuruan gjithsej 2,700
kontejnerë dhe 38 kamionë për ngjeshjen e mbeturinave,
që kapin shumën 4 milionë euro.
Top
