PËR USHTRIMIN E KONTROLLIT MBI PAJISJET, OBJEKTET DHE SHËRBIMET E PAGESAVE

Përfaqësuesi Special i Sekretarit të Përgjithshëm,

Duke marrë parasysh autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara mbi autoritetin e Administratës së Përkohshme në Kosovë të datës 10 qershor 1999,

Me qëllim të sigurimit të pajisjeve, objekteve dhe shërbimeve për përdorim nga UNMIK-u lidhur me mbledhjen, ruajtjen dhe shpërndarjen e fondeve publike,

Shpall sa vijon:

Neni 1

PAJISJET DHE OBJEKTET

Gjithë pajisjet dhe objektet, duke përfshirë këtu gjithë pasurinë e tundshme dhe të patundshme, që gjendet në Kosovë dhe janë përdorur nga Shërbimi i Pagesave Publike në Kosovë, me seli në rrugën “Lenini”, Prishtinë, do të përdoren dhe administrohen nga UNMIK-u.

Neni 2

QEVERISJA

2.1 Përfaqësuesi Special i Sekretarit të Përgjithshëm emëron një Bord mbikëqyrës për Shërbimin e Pagesave (“Bordi mbikëqyrës”) i përbërë nga tre anëtarë me nivel të lartë profesional dhe moral që janë përgjegjës para tij.

2.2 Anëtarët e Bordit mbikëqyrës veprojnë në emër të Përfaqësuesit Special të Sekretarit të Përgjithshëm.

2.3 Përfaqësuesi Special i Sekretarit të Përgjithshëm emëron për Kryetar njërin prej anëtarëve të Bordit mbikëqyrës.

Neni 3

VEPRIMTARITË

Shërbimi Publik i Pagesave në Kosovë, nën kontrollin dhe mbikëqyrjen e Bordit mbikëqyrës dhe nën autorizimet e Përfaqësuesit Special të Sekretarit të Përgjithshëm mbledh, ruan dhe shpërndan fondet për institucionet dhe në emër të institucioneve publike që janë përgjegjëse për fondet publike, si për shembull pagesat e detyrueshme të përcaktuara në nenin 4 të Rregullores së UNMIK-ut nr. 1999/4, pagat e sektorit publik, shpërblimet dhe pensionet.

Neni 4

PERSONELI

Bordi mbikëqyrës emëron persona me cilësi të larta profesionale dhe morale, duke përfshirë një drejtor të përgjithshëm për të punuar në Shërbimin e Pagesave Publike në Kosovë. Bordi mbikëqyrës zbaton një politikë jodisktiminuese të punësimit të punonjësve, në mënyrë që përbërja e punonjësve të Shërbimit të Pagesave Publike në Kosovë të pasqyrojë karakterin shumetnik të bashkësive të Kosovës.

Neni 5

ZBATIMI

Përfaqësuesi Special i Sekretarit të Përgjithshëm mund të nxjerrë urdhëresa administrative për zbatimin e kësaj rregulloreje.

Neni 6

LEGJI NE FUQI

Dispozitat e ligjit në fuqi zbatohen në përputhje me dispozitat e kësaj rregulloreje.

Neni 7

HYRJA NE FUQI

Kjo rregullore hyn në fuqi më 13 tetor 1999.

Bernard Kouchner,