PËR AUTORITETIN BANKAR DHE TË PAGESAVE NË KOSOVË

Përfaqësuesi Special i Sekretarit të Përgjithshëm,

Në përputhje me autorizimin që i është dhënë me Rezolutën 1244 (1999) e Këshillit të Sigurimit të Kombeve të Bashkuara të datës 10 qershor 1999,

Duke marrë parasysh rregulloren nr. 1999/1 të Misionit të Administratës së Përkohshme të Kombeve të Bashkuara në Kosovë (UNMIK) të datës 25 korrik 1999 mbi Autoritetin e Administratës së Përkohshme në Kosovë,

Me qëllim të forcimit të ekonomisë në Kosovë duke ofruar një sistem efikas pagesash dhe një sistem bankar të shëndoshë me themelimin e Autoritetit Bankar të Pagesave të Kosovës,

Shpall sa vijon:

DISPOZITA TË PËRGJITHSHME

Neni 1

STATUSI I AUTORITETIT BANKAR DHE TË PAGESAVE TË KOSOVËS

Autoriteti Bankar dhe i Pagesave i Kosovës (më tej i quajtur “BPK”) është një person juridik publik i vaçantë.

Neni 2

PËRKUFIZIME

Termat e përdorur kudo në këtë rregullore kanë kuptimet vijuese:

“bankë” nënkupton një person juridik të angazhuar në veprimtarinë e pranimit të depozitave në Kosovë dhe përdorimin e këtyre fondeve plotësisht ose pjesërisht për dhënien e kredive ose investimeve për llogari dhe me rrezik në emër të personave që kryejnë këtë aktivitet;

“kredi” do të thotë çdo angazhim direkt apo indirekt për dhënien e një shume parash në këmbim të të drejtës së kthimit të shumës së dhënë dhe të papaguar dhe të pagesës së interesit dhe detyrimeve të tjera mbi atë shumë, çdo shtyrje të afatit të pagesës së borxhit, çdo garanci e lëshuar për pagesën e një borxhi dhe çdo angazhim rreth fitimit të të drejtës së pagimit të një shume të hollash; termi “kredi” nuk përfshin depozitat bankare dhe blerjen e letrave me vlerë në tregun dytësor;

”letër me vlerë” do të thotë çdo instrument i arritjes së marrëveshjes për pagim të borxhit dhe çdo lloj instrumenti tjetër ekuivalent me këtë instrument të pagimit të borxhit, si në formë të certifikatës ashtu edhe të regjistrimit;

“institucion financiar” do të thotë një bankë ose person tjetër juridik që është i përfshirë në veprimtarinë e dhënies së kredive ose investimeve për llogari dhe me rrezik në emër të personit që kryen këtë aktivitet;

“direktiva” do të thotë rekomandime të padetyrueshme ose deklarata të politikës të nxjerra nga BPK për informimin e bankave dhe palëve të tjera të interesuara për veprimtaritë e BPK-së;

“standarde ndërkombëtare të kontabilitetit” do të thotë standardet më të fundit ndërkombëtare të kontabilitetit të nxjerra nga Komiteti Ndërkombëtar i Standardeve të Kontabilitetit;

“urdhëresë” do të thotë një direktivë e detyrueshme e nxjerrë nga BPK-ja për zbatimin e kësaj rregulloreje;

“tarifa të arsyeshme” do të thotë tarifat që mbulojnë kostot direkte ose indirekte të BPK-së për shërbimin ose shërbimet e ofruara për të cilat merret tarifa; dhe

“rregull” do të thotë një direktivë e detyrueshme e nxjerrë nga BPK-ja për zbatimin e kësaj rregulloreje për gjithë bankat dhe institucionet financiare.

Neni 3

MUNDËSITË E BPK-së

3.1 BPK-ja ka mundësi për të:

(a) nënshkruar kontrata; dhe

(b) për qëllimet e aktivitetit të saj të blejë, të mbajë dhe të shesë pasuri si të tundshme ashtu edhe të patundshme.

3.2 BPK-ja, në emër të Misionit të Administratës së Përkohshme të Kombeve të Bashkuara në Kosovë (“UNMIK-ut”), mund të përdorë dhe administrojë pronën e Bankës Kombëtare të Kosovës me qendër në rrugën “Marëshal Tito” në Prishtinë (tani e njohur si rruga “Nënë Terezë”), si dhe pronën e Shërbimit të Pagesave Publike të Kosovës me qendër në rrugën “Lenini” në Prishtinë.

Neni 4

KOMPETENCA TË PËRGJITHSHME

4.1 BPK-ja ushtron të gjitha kompetencat e dhëna posaçërisht me këtë rregullore dhe me legjislacionin në fuqi dhe kompetencat e tilla që janë bindshëm të domosdoshme për zbatimin e kompetencave të dhëna.

4.2 BPK-ja gëzon mëvetësi administrative dhe të funksionimit, përveç rasteve kur parashikohet ndryshe në këtë rregullore. Askush nuk duhet të kërkojë të ndikojë në mënyrë të parregullt mbi anëtarët e Bordit Drejtues të BPK-së ose mbi punonjësit në kryerjen e detyrave të tij/saj apo të ndërhyjë në aktivitetet e BPK-së.

Neni 5

OBJEKTIVAT KRYESORË

Objektivat kryesore të BPK-së janë:

(a) të zhvillojë një sistem efikas dhe të sigurt për pagesat e brendshme dhe

(b) të zhvillojë likuiditetin, aftësinë paguese si dhe funksionimin efikas të një sistemi bankar të bazuar në tregun e qëndrueshëm.

Neni 6

KOMPETENCAT E VEÇANTA

BPK-ja ka këto kompetenca të veçanta:

(a) T’i rekomandojë udhëzime të politikës së përgjithshme Përfaqësuesit Special të Sekretarit të Përgjithshëm për fusha që janë nën përgjegjësinë e saj, nën drejtimin e Zëvendëspërfaqësuesit Special për Rindërtim dhe Zhvillim Ekonomik;

(b) Të formulojë dhe zbatojë masat për pagesat dhe rregullimin e sistemeve për transaksione në valutë të vendit dhe të huaj në Kosovë, si dhe t’i mbikëqyrë dhe rregullojë ato.

(d) Të veprojë si bankë për Autoritetin Qendror Fiskal dhe, kur i kërkohet, të japë këshilla financiare për të;

(e) Të veprojë si agjent fiskal i Autoritetit Qendror Fiskal;

(f) Të mbajë depozita në valutë të huaj për bankat, Autoritetin Qendror Fiskal dhe për agjenci të tjera;

(g) Të sigurojë një furnizim të rregullt me bankënota dhe monedha për kryerjen e transaksioneve me para në dorë;

(h) Të mbajë një vend për ruajtjen e sigurt të valutës dhe letrave me vlerë;

(i) Të licencojë, mbikëqyrë dhe rregullojë bankat;

(j) Të mbikëqyrë dhe kontrollojë tregtarët e këmbimit valutor dhe

(k) Të kryejë rregullisht analiza ekonomike dhe monetare të ekonomisë në Kosovë, të publikojë rezultatet e të paraqesë propozimet dhe masat që duhen marrë në bazë të këtyre analizave në Administratën e Përkohshme të Kombeve të Bashkuara.

Neni 7

BASHKËPUNIMI ME ADMINISTRATËN E PËRKOHESHME CIVILE

7.1 BPK-ja bashkëpunon me UNMIK-un, Administratën e Përkohshme të KB në Kosovë dhe me agjencitë e UNMIK-ut për arritjen e objektivave të saj.

7.2 Herë pas here, me kërkesën e Autoritetit Qendror Fiskal dhe agjencive të tjera të Administratës të Përkohshme të KB në Kosovë, BPK-ja jep informacion të përgjithshme në lidhje me pagesat, çështjet bankare dhe financiare dhe herë pas here edhe BPK-ja kërkon prej tyre informacion në lidhje me çështjet makroekonomike dhe financiare.

Neni 8

BASHKËPUNIMI TEKNIK

8.1 BPK-ja mund të marrë pjesë në mbledhjet e këshill