PËR THEMELIMIN E DREJTORISË SË BANESAVE DHE PASURISË SI DHE KOMISIONIT PËR KËRKESA PRONËSORE DHE BANESORE

Përfaqësuesi Special i Sekretarit të Përgjithshëm,

Në përputhje me autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara të datës 10 qershor 1999,

Duke marrë parasysh Rregulloren nr. 1999/1 të Misionit të Administratës së Përkohshme të Kombeve të Bashkuara në Kosovë (UNMIK) mbi Autoritetion e Administratës së Përkohshme në Kosovë të datës 25 korrik 19991,

Me qëllim që të arrihen zgjidhje efikase dhe efektive të kërkesve që kanë të bëjnë me çështjet pronësore dhe banesore;

Shpall sa vijon:

Neni 1

DREJTORIA E BANESAVE DHE E PASURISË

Drejtoria e Banesave dhe e Pasurisë (“Drejtoria”) merret me drejtimin e të gjitha çështjeve për të drejtat e pronësisë në Kosovë derisa Përfaqësuesi Special i Sekretarit të Përgjithshëm të vendos se organet e pushtetit vendor janë në gjendje t’i kryejnë funksionet që i janë besuar kësaj Drejtorie. Në veçanti Drejtoria do të:

(a) Bëjë inventarin e shtëpive të braktisuara në pronësi private, shtetërore dhe shoqërore;

(b) Mbikëqyrë përdorimin ose dhënien përkohësisht me qira të pronave të tilla të braktisura për qëllime humanitare; të ardhurat nga qiraja e pronës së braktisur private dhe shoqërore regjistrohen në një llogari të veçantë në ruajtje për pronarin e vërtetë nga e cila shumë hiqen shpenzimet përkatëse;

(c) Jep udhëzime për UNMIK-un, duke përfshirë CIVPOL-in, UNHCR-in dhe KFOR-in për çështje specifike të të drejtave mbi pronën;

(d) Bëjë hulumtime për përcaktimin e politikave dhe legjislacionit të rekomanduar lidhur me të drejtat mbi pronën.

1.2 Si përjashtim nga juridiksioni i gjykatave lokale, Drejtoria merr dhe regjistron kategoritë e mëposhtme të kërkesve që kanë të bëjnë me pronën banesore, duke përfshirë këtu edhe pronën e shoqëruar me të:

(a) Kërkest e personave fizikë, pronësia, posedimi ose e drejta e banimit në pronën e patundshme banesore të të cilëve u është revokuar pas datës 23 mars 1989 në bazë të legjislacionit i cili është diskriminues si në zbatim ashtu edhe në qëllimet e tij;

(b) Kërkest e personave fizikë që kanë bërë transaksione jozyrtare me prona të patundshme banesore në bazë të vullnetit të lirë të palëve pas datës 23 mars 1989;

(c) Anksat e personave fizikë të cilët kanë qenë pronarë, posedues ose që kanë pasur të drejtën e banimit në pronën banesore para datës 24 mars 1999, e që tani nuk e kanë atë pasuri në posedim, dhe kur e drejta e pronësisë nuk është transferuar vullnetarisht.

Drejtoria i ia paraqet këto kërkes Komisionit për Aneksa Pronësore dhe Banesore ose, nëse e sheh të përshtatshme, kërkon të ndërmjetësojnë në këto mosmarrëveshje dhe kur nuk ka sukses, ia drejton ato për zgjidhje Komisionit për Kërkes Pronësore dhe Banesore.

Neni 2

KOMISIONI PËR KËRKES PRONËSORE DHE BANESORE

2.1 Komisioni për kërkesa pronesore dhe Banesore (“Komisioni”) është organ i pavarur i Drejtorisë, i cili i zgjidh mosmarrëveshjet private jotregtare që kanë të bëjnë me pronën banesore të cilat ia parashtron Drejtoria, derisa Përfaqësuesi Special i Sekretarit të Përgjithshëm të gjykojë se gjykatat lokale janë në gjendje të kryejnë funksionet që i janë besuar Komisionit.

2.2 Fillimisht Komisioni përbëhet nga një kolegj me dy anëtarë ndërkombëtarë dhe një anëtar vendës, ku të gjithë duhet të jenë ekspertë për legjislacionin banesor dhe pronësor dhe kompetentë për të gjykuar. Përfaqësuesi Special i Sekretarit të Përgjithshëm emëron anëtarët e kolegjit dhe cakton një anëtar si kryetar. Përfaqësuesi Special i Sekretarit të Përgjithshëm mund të krijojë kolegje të tjera të Komisionit pas konsultimeve me Komisionin.

2.3 Para se të marrin detyrën, anëtarët e Komisionit bëjnë me shkrim këtë deklaratë solemne:

“Si anëtar i Komisionit për Kërkesa Pronësore dhe Banesore deklaroj solemnisht se do t’i kryej detyrat dhe do t’i ushtroj kompetencat e mia me ndershmëri, besnikëri, paanësi dhe ndërgjegje.”

Deklaratat vendosen në arkivin e Komisionit.

2.4 Komisioni është i autorizuar të kontrollojë lirisht çdo dokument ose të gjitha dokumentet në Kosovë, që kanë të bëjnë me zgjidhjen e mosmarrëveshjeve të paraqitura.

2.5 Si përjashtim nga juridiksioni i gjykatave lokale, Komisioni ka kompetencë ekskluzive për të zgjidhur kategoritë e kërkesave të theksuara në paragrafin 1.2. të kësaj Rregulloreje. Megjithatë, Komisioni mund t’u drejtojë pjesë të veçanta të këtyre kërkesave gjykatave lokale apo ndonjë organi tjetër administrativ, nëse vlerësimi i pjesëve të veçanta të këtyre ankesdave nuk kanë të bëjnë me çeshtjet e parapara në nenin 1.2. Gjatë hetimit ose zgjidhjes së një kërkese, Komisioni mund të marrë masa të përkohshme mbrojtëse.

2.6 Përfaqësuesi Special i Sekretarit të Përgjithshëm përcakton me rregullore rregullat e procedurës dhe të evidencës së Komisionit me rekomandim të Komisionit. Këto rregulla duhet të garantojnë procedura të drejta dhe të paanshme në përputhje me standardet e njohura ndërkombëtare të të drejtave të njeriut. Këto rregulla, në veçanti, përfshijnë dispozita për rimarrjen në shqyrtim të vendimeve të Komisionit.

2.7 Vendimet përfundimtare të Komisionit janë të detyrueshme për t’u zbatuar dhe nuk janë subjekt i rishqyrtimit nga asnjë organ tjetër gjyqësor apo administrativ në Kosovë.

Neni 3

DREJTORI EKZEKUTIV DHE PERSONELI

Përfaqësuesi Special i Sekretarit të Përgjithshëm emëron një drejtor ekzekutiv të Drejtorisë pas konsultimeve me drejtorin ekzekutiv të Qendrës së Kombeve të Bashkuara për Sistemimin e Popullsisë (UNCHS) (Habitat). Drejtori ekzekutiv emëron personelin e Drejtorisë, ku përfshihen ekspertë lokalë dhe cakton punonjës për Komisionin, të cilët janë nën kontrollin ekskluziv të Komisionit.

Neni 4

LIGJII NË FUQI

Dispozitat e legjislacionit në fuqi, që kanë të bëjnë me çështjet e të drejtave mbi pronën zbatohen në përputhje me dispozitat e kësaj Rregulloreje.

Neni 5

HYRJA NË FUQI

Kjo rregullore hyn në fuqi më 15 nëntor 1999.

Bernard Kouchner,

Përfaqësues Special i Sekretarit të Përgjithshëm