Mbi sjelljen e mediave të shkruara në Kosovë

Përfaqësuesi Special i Sekretarit të Përgjithshëm,

Në pajtim me autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara të datës 10 qershor 1999,

Duke marrë parasysh Rregulloren nr.1999/1, të ndryshuar, të Misionit të Administratës së Përkohshme të Kombeve të Bashkuara në Kosovë (UNMIK) të datës 25 korrik 1999 mbi autorizimin e Administratës së Përkohshme në Kosovë,

Duke përkujtuar Rregulloren e UNMIK-ut nr. 2000/36 të datës 17 qershor 2000 mbi Licencimin dhe rregullimin e mediave elektronike në Kosovë,

Me qëllim të shqyrtimit të sjelljes së mediave të shkruara në rrethana të veçanta dhe në baza të përkohshme deri në vendosjen e një vetërregullative efikase dhe profesionale të mediave të shkruara në Kosovë,

Shpall sa vijon:

Neni 1

Rregullat e sjelljes

1.1 Komisari i përkohshëm i mediave, në rrethana të veçanta, mund të shpallë rregulla të përkohshme të sjelljes. Para se t’i nënshkruajë rregullat e tilla, Komisari i përkohshëm i mediave konsultohet, sipas nevojës, me palët e interesuara në mënyrë përkatëse.

1.2 Përfaqësuesi Special i Sekretarit të Përgjithshëm mund ta shndërrojë në ligj çdo rregull të tillë me anë të urdhëresës administrative.

Neni 2

Masat ndëshkuese

2.1 Komisari i përkohshëm i mediave mund t’ua imponojë një ose më shumë masa të mëposhtme ndëshkuese pronarëve, udhëheqësve të ndërmarrjeve, botuesve, kryeredaktorëve dhe personave të cilët kanë kontrollin kryesor dhe përfundimtar në redaktimin e publikimeve që botohen dhe shpërndahen brenda Kosovës, e të cilët punojnë në kundërshtim me ligjin në fuqi dhe me kodeksin apo rregullat e sjelljes, të cilat dalin nga neni 1.2 dhe 4.1 i kësaj Rregulloreje, siç janë:

(a) vrejtje;

(b) kërkesa për ta botuar përgjigjen, përmirësimin ose faljen;

(d) konfiskimi i pajisjeve dhe i materialit të

(e) shtypurpezullimi ose ndalimi i punës.

2.2 Imponimi i çfarëdo mase ndëshkuese në përputhje me këtë Rregullore nuk paragjykon kurrfarë mase ndëshkuese penale në fuqi dhe as pasoja civile të veprimit.

2.3 Komisari i përkohshëm i mediave njofton me shkrim për ndonjë shkelje dhe ofron mundësi të arsyeshme për t’u përgjigjur para imponimit të ndonjë mase ndëshkuese.

2.4 Komisari i përkohshëm i mediave mund të kërkojë ndihmën e autoriteteve përkatëse dhe të zyrtarëve përkatës publikë për zbatimin e ligjit në Kosovë dhe ndërmarrjen e ndonjë mase ndëshkuese.

Nenin 3

Ankesat

3.1 Personi ose subjekti i dëmtuar me vendimin e Komisarit të përkohshëm të mediave nga masat e imponuara ndëshkuese mund të parashtrojë ankesë kundër një vendimi të tillë të cilën ia drejton Bordit të mediave për ankesa (“Bordi”) i themeluar me Rregulloren e UNMIK-ut nr. 2000/36.

3.2 Ankesat kundër çfarëdo vendimi të lartpërmendur i parashtrohen Bordit brenda tridhjetë ditësh nga lëshimi i vendimit të tillë. Ankesa bëhet me shkrim dhe mund të shoqërohet me dokumentacion ose dëshmi të tjera të cilat parashtruesi i ankesës dëshiron t’i paraqesë.

3.3 Vendimet e Komisarit të përkohshëm të mediave mbesin në fuqi derisa Bordi ta lëshojë vendimin përfundimtar me të cilin e ndryshon ose e anulon vendimin e Komisarit të përkohshëm të mediave për imponimin e masës ndëshkuese.

Neni 4

Zbatimi

4.1. Pronarët, drejtuesit e ndërmarrjeve dhe botuesit nuk duhet të botojnë detaje personale për asnjë person, duke përfshirë emrin, adresën ose vendin e punës, nëse publikimi i detajeve të tilla mund të paraqesë rrezik serioz për jetën apo sigurinë e cilitdo personi të tillë nga dhuna e personave që e marrin ligjin në duar të veta apo nga dikush tjetër.

4.2. Me asgjë në këtë Rregullore në asnjë mënyrë nuk kufizohen kompetencat e përfaqësuesit Special të Sekretarit të Përgjithshëm për të ndërmarrë masa të tilla, të cilat i konsideron të nevojshme për sigurinë dhe mbrojtjen e jetës, apo për ta ruajtur ligjin dhe rendin publik.

Neni 5

Zbatimi

Përfaqësuesi Special i Sekretarit të Përgjithshëm mund të lëshojë urdhëresa adminis-trative lidhur me zbatimin e kësaj Rregulloreje.

Neni 6

Ligji në fuqi

Kjo Rregullore shfuqizon çdo dispozitë të ligjit në fuqi që është në kundërshtim me të të.

Neni 7

Hyrja në fuqi

Kjo Rregullore hyn në fuqi më 17 qershor 2000.

Bernard Kouchner,

Përfaqësues Special i Sekretarit të Përgjithshëm