Për përdorimin e gjuhës në Shqyrtimet kumerr pjesë një gjyqtar ndërkombëtar a një prokuror ndërkombëtar

Përfaqësuesi Special i Sekretarit të Përgjithshëm,

Në pajtim me autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara të datës 10 qershor 1999,

Duke marrë parasysh Rregulloren nr. 1999/1 të datës 25 korrik 1999, të ndryshuar, të Misionit të Administratës së Përkohshme të Kombeve të Bashkuara në Kosovë (UNMIK) mbi autorizimin e Administratës së Përkohshme në Kosovë,

Duke marrë parasysh Rregulloren nr. 2000/34 të datës 27 korrik 2000 të Misionit të Administratës së Përkohshme të Kombeve të Bashkuara në Kosovë (UNMIK) mbi ndryshimin e Rregullores nr. 2000/6 për emërimin dhe shkarkimin e gjyqtarëve ndërkombëtarë dhe prokurorëve ndërkombëtarë,

Me qëllim të garantimit të administrimit të mirëfilltë të drejtësisë,

Shpall sa vijon:

Neni 1

Gjuha e përdorur në shqyrtimet gjyqësore

1.1 Në rast se një gjyqtar ndërkombëtar ose prokuror ndërkombëtar inicon ose merr pjesë në shqyrtime gjyqësore, ato shqyrtime gjyqësore përveç në ndonjë gjuhë tjetër ose gjuhët e kërkuara me ligjin në fuqi mbahen edhe në anglisht.

1.2 Shqyrtimet menjëherë përkthehen me shkrim dhe me gojë në një gjuhë tjetër ose në gjuhët e tjera në përputhje me ligjin në fuqi.

Neni 2

Zbatimi

Përfaqësuesi Special i Sekretarit të Përgjithshëm mund të lëshojë direktiva administrative në lidhje me zbatimin e kësaj Rregulloreje.

Neni 3

Ligji në fuqi

Kjo rregullore zëvendëson çdo dispozitë në ligjin në fuqi e cila është në kundërshtim me të.

Neni 4

Hyrja në fuqi

Kjo rregullore hyn në fuqi më 15 Gusht 2000.

Bernard Kouchner

Përfaqësues Special i Sekretarit të Përgjithshëm