për Themelimin e Departamentit Administrativ të Rinisë

Përfaqësuesi Special i Sekretarit të Përgjithshëm,

Në pajtim me autorizimin që i është dhënë me Rezolutën 1244 (1999) të Këshillit të Sigurimit të Kombeve të Bashkuara të datës 10 qershor 1999,

Duke marrë parasysh Rregulloren nr. 1999/1 të datës 25 korrik 1999, të ndryshuar, të Misionit të Administratës së Përkohshme të Kombeve të Bashkuara në Kosovë (UNMIK) mbi autorizimin e Administratës së Përkohshme në Kosovë dhe Rregulloren e UNMIK-ut nr. 2000/1 të datës 14 janar 2000 mbi Strukturën e Përbashkët dhe të Përkohshme të Kosovës,

Me qëllim të themelimit të Departamentit Administrativ të Rinisë,

Shpall sa vijon:

Neni 1

Departamenti Administrativ i Rinisë

1.1 Me këtë themelohet Departamenti Administrativ i Rinisë (më tej “Departamenti”).

1.2 Departamenti merret me çështjet që kanë të bëjnë me sektorin e rinisë në Kosovë, ku rinia përkufizohet si grupmosha prej 15 deri në 24 vjeç.

1.3 Departamenti zbaton direktivat e politikës së punës të formuluara nga Këshilli i Përkohshëm Administrativ në sektorin e rinisë.

Neni 2

Funksionet

2.1 Departamenti mund t’i bëjë rekomandime të politikës së punës Këshillit të Përkohshëm Administrativ përmes zëvendësit të Përfaqësuesit Special të Sekretarit të Përgjithshëm për Administratë Civile, të cilat kanë të bëjnë, veç tjerash, me:

(a) Strategjinë e gjithmbarshme dhe planin gjithpërfshirës të punës për zhvillimin dhe përparimin e sektorit të rinisë në Kosovë; dhe

(b) Zhvillimin e kornizës rregullative duke përfshirë edhe propozimet e rregulloreve si dhe vënien dhe ofrimin e standardeve, direktivave dhe udhëzimit për administrimin efektiv, të drejtë dhe të përgjegjshëm të sektorit të rinisë në Kosovë.

2.2 Departamenti:

(a) Zbaton strategjinë dhe planin e punës për sektorin e rinisë në kuadër të kornizës së Buxhetit të Konsoliduar të Kosovës dhe në konsultim me donatorët dhe me agencitë ndërkombëtare dhe institucionet lokale.

(b) Kryen një analizë gjithpërfshirëse të gjendjes së sektorit të rinisë, duke përfshirë legjislacionin, isntitucionet, programet dhe veprimtaritë përkatëse;

(c) Identifikon grupe të caktuara të rinisë si dhe zhvillon programe për t’u marrë me nevojat e tyre. Grupet e tilla mund të përshijnë rininë jashtëshkollore, rininë analfabete, rininë e papunësuar, rininë refugjate të kthyer, rininë e droguar, rininë e familjeve me një prind, rininë prindër të vetëm, rininë me qasje të pakët ndaj objekteve sanitare dhe shëndetësore ose në rrezik nga marrja e ndonjë sëmundjeje dhe rininë e pakicave.

(d) Zhvillon programe për t’i identifikuar dhe për t’iu drejtuar nevojave të femrave të reja;

(e) Bashkërendon dhe bashkëpunon me departamentetet e tjera administrative, me komunat, me agjencitë e tjera ndërkombëtare dhe qeveritare si dhe me organizatat joqeveritare për të pëparuar zhvillimin dhe zbatimin koherent dhe efikas të politikave dhe resurseve të rinisë në çështjet që kanë të bëjnë me: trajnimin për vende të punës dhe për shërbime zanatore, sportin dhe veprimtaritë rekretative, programet e këmbimit rajonal dhe ndërkombëtar, shëndetësinë dhe arsimin, drejtësinë për të miturit, si dhe përparimin e të drejtave të rinisë dhe të njeriut;

(f) Nxit formimin e klubeve, grupeve dhe shoqatave rinore në tërë Kosovën dhe në rajon si dhe mbikëqyr zhvillimin e tyre duke inkurajuar vendimmarrjen demokratike dhe pjesëmarrjen dhe konsultimin e gjerë në të gjitha nivelet siç janë klubet, grupet dhe shoqatat;

(g) Inkurajon mbështetjen financiare dhe mbështjet tjera për sektorin e rinisë në Kosovë, përmes mënyrave të tilla si marrëveshjet e sponzorimit, projektet dhe subvencionet jashtëbuxhetore, në përputhje me udhëzimet e zhvilluara nga Autoriteti Qendror Fiskal;

(h) Rinisë së Kosovës i ofron të dhëna lidhur me shërbimet dhe programet në dispozicion për t’iu ndihmuar atyre; dhe

(i) Ushtron edhe funksione ndihmëse nga ato të parashtruara më lart të cilat i caktohen Departamentit nga zëvendësi i Përfaqësuesit Special të Sekretarit të Përgjithshëm për Administratë Civile.

Neni 3

Bashkëkryesuesit e Departamentit

Bashkëkryesuesit e Departamentit, nën mbikëqyrjen e zëvendësit të Përfaqësuesit Special të Sekretarit të Përgjithshëm për Administratë Civile janë përgjegjës bashkërisht për:

(a) Udhëheqjen e Departamentit dhe për përkujdesjen e zbatimit të funksioneve të besuara;

(b) Pajisjen me personel, organizimin dhe administrimin e Departamentit si dhe lëshimin e instruksioneve administrative e të direktivave operative për cilëndo çështje që ka të bëjë me funksionet e Departamentit; dhe

(c) Udhëheqjen efektive dhe efikase të resurseve të cilat i ofrohen Departamentit nga Buxheti i Konsoliduar i Kosovës ose nga ndonjë burim tjetër.

Neni 4

Personeli dhe politika e punësimit

Bashkëkryesuesit e Departamentit:

(a) (a) Zbatojnë politikë jodiskriminuese të personelit e cila ka për qëllim të sigurojë që përbërja e personelit të Departamentit të pasqyrojë karakterin multietnik të Kosovës;

(b) (b) Përpiqen që sigurojnë baraspeshë të drejtë gjinore në të gjitha fushat dhe nivelet në kuadër të Departamentit; dhe

Neni 5

Zbatimi

Përfaqësuesi Special i Sekretarit të Përgjithshëm mund të lëshojë direktiva administrative në lidhje me zbatimin e kësaj rregulloreje.

Neni 6

Ligji në fuqi

Kjo rregullore zëvendëson çdo dispozitë në ligjin në fuqi e cila është në kundërshtim me të.

Neni 7

Hyrja në fuqi

Kjo rregullore hyn në fuqi më 19 Gusht 2000.

Bernard Kouchner

Përfaqësues Special i Sekretarit të Përgjithshëm