UNMIK Conduct and Discipline Complains

Për informimin tuaj:

• Inkurajohet çdo person me deklaratë të qëndrueshme t’i ankohet Njësisë për sjellje dhe disciplinë për rastet e shkeljes së mirësjelljes të kryer nga personeli i UNMIK-ut. Ankesat e pavlefshme nuk do të pranohen.

• Të gjitha ankesat merren dhe trajtohen në mënyrë të besueshme.

• Nuk nevojitet asnjë formular i veçantë për ta bërë një ankesë.

• Të gjitha ankesat e shkeljes së supozuar të sjelljes duhet të përmbajnë sa më shumë që është e mundur informata dhe detaje por pa ndërmarrë hetime rreth supozimit.

• Deklaratat në formën e shkruar mund të bëhen si në vijim:

1. T’i dërgohen “Njësisë për sjellje dhe disciplinë” të Kosovës përmes adresës elektronike; KosovoCDcomplaints@un.org
2. Të dorëzohen në dorë;
3. Të bëhen personalisht në Njësinë për sjellje dhe disciplinë; apo
4. Të dërgohen me postë.

• Njësia për sjellje dhe disciplinë është e hapur për të gjithë. Të gjithë janë të mirëseardhur për të diskutuar shqetësimet e tyre me secilin anëtar të ekipit, duke caktuar takimin paraprakisht.

Pyetjet e zakonshme

Çka do të thotë termi “shfrytëzim seksual”?

Buletini i Sekretarit të përgjithshëm (BSP) e definon termin “Shfrytëzim seksual” si çdo keqpërdorim i kryer apo i tentuar për qëllime seksuale në bazë të pozitës së cenueshmërisë së tjetrit, në bazë të dallimit të forcës, ose mirëbesimit për qëllime seksuale, duke përfshirë në mes të tjerash pa u kufizuar në përfitimin material, shoqëror apo politik nga shfrytëzimi seksual nga personi tjetër. Shembull për këtë janë marrëdhëniet seksuale me prostituta.

Çka është “keqpërdorimi seksual”?

BSP definon termin “keqpërdorim seksual” si imponim real fizik apo kërcënim i natyrës seksuale, i kryer me forcë ose në kushte të pabarabarta apo shtërnguese. Shembull për këtë është dhunimi apo tentim dhunimi.

Cili është dallimi mes “ngacmimit seksual” dhe “shfrytëzimit seksual dhe keqpërdorimit seksual”?

Si Ngacmim seksual definohet çdo afrim i padëshirueshëm seksual, kërkesë për shërbime favorizuese seksuale apo sjellje tjera verbale apo fizike të natyrës seksuale kur kjo bie ndesh me punën, kur bëhet parakusht për punësim apo kur krijon një ambient pune kërcënues, armiqësor apo fyes. Kjo është në veçanti serioze kur një sjellje e tillë bëhet nga zyrtari, i cili është në pozitë për të ndikuar në karrierë apo në kushtet e punësimit (përfshirë punësimin, përcaktimin e detyrave, përtëritjen e kontratave, vlerësimin e punës apo promovimin) ndaj personit pranues të tentimeve të tilla.

Jo të gjitha ngacmimet seksuale përfshijnë keqpërdorimin e pozitës së cenueshmërisë, dallimin e forcës, mirëbesimin apo imponimin fizik real apo kërcënues të natyrës seksuale. Nëse përfshijnë, ato përmbajnë shfrytëzim apo keqpërdorim seksual. Ngacmimi seksual, dhe shfrytëzimi dhe keqpërdorimi seksual konsiderohen si shkelje të rënda të sjelljes. Të gjitha të tre kërcënimet duhet të raportohen. Personi që raporton nuk duhet të specifikojë se cilës kategori i takon shkelja e sjelljes.