Ky dokument gjithpërfshirës përcakton masat të cilat institucionet e Kosovës synojnë të ndërmarrin për të arritur prioritetet e caktuara nga Partneriteti Evropian dhe për të plotësuar Standardet për Kosovën.

Top of page

Procesi i Integrimit Evropian
Procesi për integrimin Evropian të Kosovës synon ta asocioj më nga afër me Bashkimin Evropian me qëllim të anëtarësimit të mundshëm. Në këtë drejtim, Kosova merr pjesë në Procesin e Stabilizimit dhe Asociimit (PSA), i cili është politika kornizë e BE-së për shtetet e Ballkanit Perëndimor. PSA ofron partneritet progresiv dhe të shumëanshëm të ndihmës ekonomike dhe financiare, koncesione tregtare dhe marrëdhënie kontraktuese. Ky është instrumenti kyç i cili udhëheq dhe monitoron praktikat të cilat janë në përputhje me BE-në, proceset e reformimit politik, ekonomik dhe sektoral. PSA përfaqëson një angazhim afagjatë të BE-së në rajon, si në përpjekjet politike ashtu edhe asistencë financiare.

PSA lejon secilin vend në fjalë që me hapat e tij të shkojë në drejtim të integrimit të metejmë në BE. Që të siguroj që Kosova të marr pjesë plotësisht në PSA dhe të lejoj Serbinë të ec hapave të saj, është krijuar Mekanizmi Përcjellës i Stabilizim Asociimit (PSA), si mjet i veçant për Kosovën. MPS përbën një forum për dialog ndërmjet Kosovës dhe Bashkimit Evropian dhe deri më tash ka treguar se është një mjet i vlefshëm t’i ndihmoi autoritetet e Kosovës në udhëheqjen e reformave të Kosovës dhe të siguroi se Kosova përfiton në mënyrë të plotë nga instrumentet e ndryshme të PSA. Elemente të rëndësishme të MPS janë takimet e rregullta të nivelit të lartë ndërmjet ekspertëve të KE dhe autoriteteve të Kosovës.

Në mënyrë që të bëhet përparim brenda PSA dhe përafrim më i afërt me BE, vendet duhet të plotësojnë kërkesat politike dhe ekonomike të cilat bazohen në Kriteret e Kopenhagës. Priorietet më urgjente të cilat vendet pjesëmarrëse në PSA duhet të trajtojnë gjinden në Partneritetin Evropian. Këto dokumente, të hartuara nga Komisioni Evropian dhe të miratuara nga Këshilli i Bashkimit Evropian, i udhëzojnë politikat e shteteve të ndjekin praktikat më të mira Evropiane si dhe të miratojnë acquis communautaire (i tërë trupi i legjislacionit Evropian) si dhe ofrojnë udhëzime për asistencën financiare dhe teknike te BE-së. Përveç kësaj, në rastin e Kosovës, Partneriteti Evropian gjithashtu trajton tetë Standardet për Kosovën.

Në qershor 2004, Këshilli i Ministrave të Bashkimit Evropian ka miratuar Partneritetin e parë Evropian me Serbinë dhe Malin e Zi, përfshirë Kosovën të përcaktuar nga Rezoluta 1244 e KS të OKB. Me datën 30 janar 2006, Këshilli ka miratuar partneritetin e ri i cili i është përshtatur përparimit të bërë gjatë kësaj kohe.

Në përgjigje të identifikimit të prioriteteve, autoriteve kombëtare ju kërkohet të hartojnë Planin e Veprimit të Partneritetit Evropian, i cili përmban veprimet të cilat autoritetet synojnë t’i ndërmarrin për të arritur ato prioritete, dhe si e tillë kjo ofron një agjendë me të cilën matet përparimi. Si përgjigje ndaj Partneritetit Evropian të prezantuar në janar 2006, është zhvilluar një PVPE i ri gjatë gjashtë muajve të parë të vitit 2006, i cili në gusht 2006 është miratuar nga Qeveria e Kosovës.

Përcjellja e Partneritetit Evropian sigurohet përmes Raporteve Vjetore të KE-së për PSA dhe Mekanizmit Përcjellës të Stabilizim Asociimit. Raportet e Progresit për zbatimin e Planit të Veprimit dorëzohen rregullisht nga autoritetet vendore tek Komisioni Evropian, të cilat shërbejnë si të dhëna për Raportin Vjetor të Komisionit.

Top of page

Standardet për Kosovën dhe Integrimi Evropian
Procesi i njohur si ‘Standardet për Kosovën’ bazohet në parimet e njëjta të cilat gjenden në Konventën e Kopenhagës, dhe si i tillë, Procesi i Standardeve dhe Procesi i Stabilizimit dhe Asociimit gjithmonë kanë shkuar në mënyrë paralele dhe kanë përfocuar njëri tjetrin. Në tetor 2005, Komisioni Evropian, UNMIK dhe Zyra e Kryeministrit u pajtuan t’i përfshijnë Standardet në procesin afatgjatë të Integrimit Evropian, duke e hartuar një plan të vetëm të veprimit. Përveç kësaj, Partneriteti i ri Evropian i miratuar në muajin janar 2006, ngërthen në vete esencën e Standardeve për Kosovën, duke përfshirë në mënyrë të vendosur vlerat dhe parimet e procesit të Standardeve në procesin për punën për integrimin e Evropian të Kosovës.
Ky bashkim i lejon Kosovës të vazhdoi zbatimin qenësor të Standardeve, dhe në të njëjtën kohë të forcoi progresin e saj në PSA. Derisa kërkohet, UNMIK-u do të raportoj para Këshillit të Sigurimit të KB për progresin e Kosovës në zbatimin e standardeve, në të njëjtën kohë autoritetet kosovare do të vazhdojnë të raportojnë para Komisionit Evropian për progresin sa i përket Partneritetit Evropian.

Top of page

Struktura e Planit të Veprimit
PVPE ndjek strukturën e Partneritetit Evropian pasi që trajton prioritetet të cilat janë identifikuar në këtë dokument si dhe 109 Qëllimet e Standardeve, të cilat janë caktuar në bazë të përputhjeve me prioritetet e Partneritetit Evropian. Këto prioritete ndahen në objektiva afatshkurta dhe afatmesme, varësisht nga afati i paraparë për përmbushjen e tyre. Mëtujtje, të gjitha prioritetet janë të ndara në grupe në bazë të kërkesave politike dhe ekonomike, të cilat mbulojnë shumicën e Qëllimeve të Standardeve, kurse seksioni tjetër përfshin prioritetet në fushën e Standardeve Evropiane, shumica e të cilave përmbajnë kërkesat që burojnë nga acquis communautaire.

Top of page

Akterët në Kosovë
Në Kosovë, procesi për integrimin Evropian udhëhiqet nga Agjencioni për Integrime Evropiane i përkrahur nga Zyra e UNMIK-ut për Integrim Evropian. Procesi i hartmit të PVPE është bashkërenditur nga Agjencioni me anë të të dhënave nga të gjithë homologët përkatës të IPVQ dhe UNMIK-ut dhe me përkrahjen e përgjithshme të Zyrës së UNMIK-ut për Integrime Evropiane dhe Zyrës së Koordinatorit të Strategjisë së UNMIK-ut.

Për më shumë informata, mos ngurroni të kontaktoni Zyrën e UNMIK-ut për Integrime Evropiane të Shtyllës së IV .

Top of page