Paneli Këshillëdhënës për të Drejtat e Njeriut

 

Paneli Këshillëdhënës për të Drejtat e Njeriut (Paneli) shqyrton ankesat për shkeljet e pohuara të të drejtave të njeriut që janë kryer nga apo i atribuohen Misionit të Administratës së Përkohshme të Kombeve të Bashkuara në Kosovë (UNMIK), dhe i bën rekomandime Përfaqësuesit Special të Sekretarit të Përgjithshëm (PSSP) në Kosovë kur një gjë e tillë është e duhur. Paneli është i përbërë prej tri anëtarëve të Panelit të cilët takohen në Prishtinë çdo muaj për të marrë vendime për ankesat e paraqitura kundër UNMIK-ut. Kryetari i Panelit e drejton punën e Panelit dhe Sekretariati me bazë në Prishtinë i ofron mbështetjen ligjore dhe administrative.

 

Çdo individ i cili beson se UNMIK-u është përgjegjës për shkelje të të drejtave të njeriut mund të ankohet në Panel dhe të kërkojë vendim për atë pohim. Personat e tillë e iniciojnë procedurën e ankesës me paraqitjen e ankesës pranë Panelit. Më pas Paneli vendos nëse ankesa është e pranueshme në bazë të legjislacionit në fuqi dhe për këtë merr vendim.

 

Nëse ankesa është e pranueshme, Paneli më pas jep mendimin nëse UNMIK-u është përgjegjës për shkeljen e njërit nga traktatet e ndryshme të të drejtave të njeriut, mjete që janë në fuqi në Kosovë. Nëse Paneli konstaton se është bërë shkelje, mendimi mund të përfshijë rekomandimet drejtuar PSSP-së. Pastaj PSSP-ja publikisht duhet të tregojë si ai/ajo do të reagojë ndaj rekomandimeve.

 

Paneli Këshillëdhënës për të Drejtat e Njeriut është mekanizmi i vetëm ekzistues për të drejtat e njeriut që në mënyrë specifike merret me shkeljet e të drejtave të njeriut që pohohet se janë kryer nga Misioni i Kombeve të Bashkuara apo që i atribuohen atij.

 

Afati i fundit për dorëzimin e aplikacioneve të reja në Komision ka qenë 31 mars 2010.

 

Për informacione të mëtejshme luteni që t’u referoheni lëndëve të publikuara dhe raporteve tona vjetore.