URDHËRESA ADMINISTRATIVE NR. 2000/10

UNMIK/DIR/2000/10

9 MAJ 2000

ZBATIMIN E RREGULLORES NR. 1999/22 MBI REGJISTRIMIN DHE VEPRIMIN E ORGANIZATAVE JOQEVERITARE NË KOSOVË

Përfaqësuesi Special i Sekretarit të Përgjithshëm,

Ne pajtim me autorizimet që i janë dhënë atij me nenin 6 të Rregullores së UNMIK-ut nr. 1999/22 të datës 15 nëntor 1999 mbi Regjistrimin dhe Veprimin e Organizatave Joqeveritare në Kosovë,

Shpall këtë urdhëresë administrative:

Neni 1

Regjsitrimi

1.1. Në pajtim me neni 4 të Rregullores së UNMIK-ut nr. 1999/22 të datës 15 nëntor 1999, OJQ-ja ia parashtron kërkesën për regjistrim UNMIK-ut me qëllim që të veprojë si person juridik në Kosovë. OJQ-të të cilat nuk kërkojnë të veprojnë si persona juridikë në Kosovë nuk duhet të regjistrohen.

1.2. Në pajtim me nenin 4.3 të Rregullorës nr. 1999/2 të UNMIK-ut, OJQ-ja e cakton përfaqësuesin e autorizuar në Kosovë, i cilit duhet të jetë i moshës madhore. Të gjitha kërkesat për regjistrim duhet t’i nënshkruajë përfaqësuesi i autorizuar i OJQ-së.

1.3. Kërkesat për regjistrimin e OJQ-ve i dorëzohen dhe i pranon Njësia e UNMIK-ut për Ndërlidhje të OJQ-ve në zyret të cilat gjenden në vende të caktuara të zyrave qendrore të UNMIK-ut. Vendimet e regjistrimit i bënë Njësia e UNMIK-ut për Ndërlidhje të OJQ-ve. Numrat e regjistrimit i cakton Njësia e UNMIK-ut për Ndërlidhje të OJQ-ve.

Neni 2

Gjuha

2.1. Të gjitha dokumentet e parashtruara të OJQ-së, që mbështesin kërkesën e regjistrimit, shkruhen në gjuhën angleze, shqipe ose serbishte.

2.2. Pavarësisht nga 2.1. i kësaj urdhërese administrative, dokumentet e parashtruara nga ndonjë OJQ e jashtme apo ndërkombëtare, sipas nenit 4.3 (b) të Rregullorës nr. 1992/22 të UNMIK-ut, të cilat dëshmojnë se ajo vepron si person juridik në një shtet tjetër, dorzohen në gjuhën e tyre burimore, bashkë me një përkthim në gjuhën angleze. Nëse përkthimi nuk është i vërtetuar, përfaqësuesi i autorizuar i OJQ-së në Kosovë duhet të vërtetojë saktësinë e përkthimit duke nënshkruar përkthimin në gjuhën angleze. Çfarëdo dallimi i qenësishëm apo mashtrues mes origjinalit dhe përkthimit jozyrëtar është shkak për ta anuluar regjistrimin e organizatës.

Neni 3

Kërkesat poltësuese për regjistrim

3.1. Përveç shkaqeve për refuzimin e regjistrimit të përcaktuara në nenin 5 të Rregullorës nr. 1999/22 të UNMIK-ut të datës 15 nëntor 1999, UNMIK-u mund ta refuzojë kërkesën për regjistrim nëse organizata e cila kërkon regjistrim ka ndonjë emër apo akronim (emërtim me iniciale), i cili mund të shkaktojë huti në publik.

3.2. Statutet e organizatave të cilat kërkojnë të regjistrohen, duhet të përmbajnë rregulla dhe procedura të qeverisjes interne të cilat janë në pajtim të plotë me parimet demokratike dhe të cilat konfirmojnë se organi më i lartë qevërisës i shoqatës apo fondacionit është kuvendi i anëtarëve apo këshilli i drejtorëve, sipas rastit.

Neni 4

Refuzimi kërkesave

4.1. UNMIK-u ia lëshon OJQ-së certifikatën e regjistrimit ose vendimin me shkrim për refuzimin e regjistrimit brenda një afati prej gjashtëdhjetë (60) ditësh pas marrjes së kërkesës për regjistrim, përveç rasteve kur gjatë periudhës së njëjtë kohore UNMIK-u kërkon me shkrim informata apo sqarime plotësuese.

4.2. Nëse UNMIK-u kërkon me shkrim informata apo sqarime plotësuese për ndonjë kërkesë të regjistrimit, periudha kohore prej gjashtëdhjetë (60) ditësh, brenda së cilës UNMIK-u duhet ta lëshojë certifikatën e regjistrimit ose vendimin me shkrim me të cilin refuzohet regjistrimi, nuk do të llogaritet nga dita e parashtrimit të kërkesës me shkrim. Pas marrjes së informatave apo sqarimeve plotësuese të kërkuara, UNMIK-u e lëshon certifikatën e regjistrimit ose vendimin me shkrim për refuzimin e regjistrimit brenda (a) numrit të ditëve të mbetura nga periudha e mëparshme kohore prej gjashtëdhjetë (60) ditësh e paraparë për lëshimin e certificates; ose (b) katërmbëdhjetë (14) ditë pas marrjes së informatve apo sqarimeve poltësuese, cilado periudhë që është më e gjatë.

4.3. Çdo vendim i Njësisë së UNMIK-për Ndërlidhje të OJQ-ve, me të cilin refuzohet regjistrimi i një OJQ-je, do të shqyrtohet nga ana e Komisionit Shqyrtues, që përbëhet nga tre anëtarë përfaqësues të shtylave të UNMIK-ut për Administratë Civile, për Rindërtim dhe Krijimin e Institucioneve, për të vërtetuar vlefshmërinë e shkaqeve të refuzimit dhe pajtueshmërinë e tij me Rregullorën nr. 1999/22 të UNMIK-ut dhe me këtë udhëzim administrativ. Mjaftojnë dy vota nga tre anëtarët e komisionit për ta ndryshuar vendimin e Njësisë për Ndërlidhje të OJQ-ve. Nëse regjistrimi refuzohet, UNMIK-u, në vendimin e tij me shkrim, duhet t’i shënojë arsyet specifike në bazë të së cilave është refuzuar regjistrimi.

4.4. UNMIK-u mund ta pezullojë ose anulojë regjistrimin në rast të shkeljes së cilisdo dispozitë të kësaj urdhërse administrative. Perveç rasteve të shkeljeve serioze, të cilat mund të paraqesin kërcënim për publikun, UNMIKU-u e njofton me shkrim OJQ-në për atë shkelje dhe për mundësinë që të përgjigjet para se ta pezullojë ose anulojë regjistrimin.

Neni 5

Kushtet e raportimt për veprimatritë financiare dhe aktivitetet

e OJQ-ve me status mirëbërës shoqëror

5.1. OJQ-të, cilave u ështëlejuara statusi organizatës mirëbërëse shoqërore, sipas nenit 10 të Rregullorës së UNMIK-ut nr. 1999/22, duhet t’i dërgojnë UNMIK-ut raport vjetor lidhur me veprimatrinë dhe aktivitetin e tyre brenda Kosovës për atë vit. Raportet dorëzohen deri më 31 mars për çdo të vit të vitit për të cilin paraqitet raporti që mbaron më 31 dhjetor të vitit parparak. Raportet vjetore i dorëzohen Njësisë së UNMIK-ut për Ndërlidhje të OJQ-ve.

5.2. Si dispozitë kalimtare, përveç kërkesave të përcaktuara me nenin 5.1. të kësaj urdhërese admistrative, OJQ-të të cilat kanë fituar status të organizatës mirëbërëse shoqërore duhet t’ia dorëzojnë UNMIK-u një raport provizor deri më 30 qershor 2000 lidhur me funksionimin dhe veprimtarinë e tyre në Kosovë deri më 31 mars 2000, raport i cili duhet të përfshijë pjesët e përmendura në nenin 5.4 të kësaj urdhërese administrative.

5.3. Raportin vjetor duhet ta nënshkruajë përfaqësuesi i autorizuar i OJQ-së. Duke nënshkruar raportin vjetor, përfaqësuesi i autorizuar e paraqet atë në bazë të informatave të cilat organizata i ka në dispozicion, duke dëshmuar me këtë se të gjitha deklaratat në raport janë të vërteta dhe të sakta.

5.4. Raporti vjetor përbëhet nga këto tri pjesë vijuese:

(i) Pjesa për menagjment dhe administratë

(ii) Raporti për aktivitete dhe të arritura

(iii) Deklaratat financiare

5.5. Pjesa për Menagjment dhe Administratë duhet të përmbajë:

5.6. (a) emrin, akronimin (emërtimin me iniciale), adresën, numrin e telefonit, numrin e faksit dhe adresën elektronike (e-mail) të OJQ-së;

(b) emrin e zyrtarit kryesor ekzekutiv (p.sh. përgjegjës apo drejtor ekzekutiv);

(c) emrat e anëtarëve të këshillit të drejtorëve (nëse ekziston), si dhe emrat e titujt e të gjithë nëpunësve.

5.6. Raporti i aktiviteteve dhe të arriturave duhet të përfshijë:

(a) një deklaratë për misionin dhe qëllimin mirëbërës shoqëror të OJQ-së;

(b) identifikimin e programeve kryesore dhe aktiviteteve që kanë për qëllim realizimin e atyre programeve. Deklarata duhet të jetë e mjaftueshme për të dëshmuar mënyrën si organizata i realizon qëllimet e veta mirëbërëse shoqërore përmes aktiviteteve të veta.

(c) një deklaratë për arritjet kryesore të programeve;

(ç) nëse OJQ-ja merrë përsipër aktivitete të tjera përveç atyre që shkojnë në dobi të shoqërisë, siç është përcaktuar me Rregullorën nr. 1992/22 të UNMIK-ut, atëherë lypset edhe një deklaratë e cila i përshkruan ato aktivitete;

(d) një vërtetim se OJQ-ja nuk ka mbeldhur fonde dhe nuk ka bërë fushatë për përkrahjen partive politike apo për emërimin dhe zgjedhjen e kandidatëve në dëtyra të ndryshme publike, apo për regjistrimin dhe përkrahjen e kandidatëve të emëruar apo të zgjedhur në funksione publike gjatë periudhës për të cilën raportohet.

(dh) OJQ-ja që është e angazhuar në aktivitete mirëbërëse shoqërore, në lëmin e arsimit apo të shëndetësisë, dorëzon edhe një deklaratë për:

(i) llojin e personave dhe grupeve të varfura të cilët i shërben;

(ii) llojet e dobive që organizata u ofron personave dhe grupeve të njerëzve të varfur dhe

(ii) një vërtetim se ato dobi ofrohen falas apo së paku më lirë se vlera e tyre në treg ;

(e) OJQ-ja e cila angazhohet në aktivitete mirëbërëse shoqërore në sferën e zhvillimit ekonomik, dorëzon edhe një deklaratë për llojin personave të varfur apo grupeve që u shërben;

5.7. Deklaratat fianciare përgatitën në formularë të cilët i siguron UNMIK-u, ose në aso formularë që ofrojnë të dhëna të njëjta dhe të cilët përmbajnë, së paku:

(a) një fletëbilanc, ku shihen pasuria dhe përgjegjësitë financiare të organizatës,

(b) një deklaratë për të hyrat ku shihen të hyrat dhe të dalat e OJQ-së.

5.8. UNMIK-u mund ta lirojë plotësiht apo pjesërisht ndonjë OJQ sa i përket kushteve të dorëzimit të raportit vjetor, nëse kushtet e tilla mund t’i shkatojnë vështirësi OJQ-së.

5.9. Deklaratat financiare përgatitën për periudhën prej një viti, 90 ditë para mbarimit të datës 31 mars.

5.10. Deklaratat financiare të përgatitura dhe të dorëzuara nga OJQ-të lokale, me të hyra vjerore ose me shpenzime mbi 100,000 DM dhe nga OJQ-të ndërkombëtare me të hyra ose shpenzime vjetore për veprimytarinë dhe aktivitetin e tyre brenda Kosovës mbi 25,000 DM, duhet të përmbajnë edhe një mendim të nënshkruar nga një revizor i pavarur, se a preznetojnë deklaratat e paraqitura financiare në mënyrë të drejtë të gjitha aspektet materiale dhe pozitën financiare të organizatës për atë periudhë raportimi.

5.11. Raporti vjetor duhet të përfshijë (a) një deklaratë e cila i veçon të gjitha deklaratat përveç pagesës së rrogave dhe fitimeve të punonjësve të OJQ-së, siç janë nëpunësit, drejtorët, punonjësit, apo anëtarët e familjes së tyre, apo organizatat anëtare të OJQësë, duke përfshirë përshkrimin e personave të angazhuar në kryerjen e punës, natyrën e punës dhe rrethanat e këmbyera ndërmjet OJQ-së dhe palës tjetër në kryerjen e asaj pune, ose (b) një vërtetim se veprimet e tilla nuk janë bër gjatë periudhës për të cilën raportohet.

5.12. Raportet e dorëzuara në pajtim me këtë urdhëresë administrative, mund t’i vëhen në dispozicion publikut në një vend të caktuar qendror gjatë orëve të rregullta të orarit të punës, të cilin e përcakton Njësia e UNMIK-ut për Ndërlidhje të OJQ-ve. OJQ-ja ka mundësi t’i veçojë informatat apo pasurinë të cilën ajo e konsideron konfidenciale në raportin e saj dhe të kërkojë që UNMIK-u t’ia fshijë ato të dhëna para se raporti të bëhet publik. Informatat apo pasuria e cila mund të konsiderohet konfidenciale për qëllime të këtij udhëzimi administrativ përfshijnë informatat personale ose financiare të punonjësve të organizatës. OJQ-ja duhet ta dorëzojë një kërkesë për fshirje të informatave të këtilla atëherë kur kjo kërkohet në raport. Kërkesës për fshirje UNMIK-u i përgjigjet me shkrim brenda afatit prej tridhjetë (30) ditësh pas dhënies së kërkesës.

5.13. OJQ-së e cila nuk e dorëzon raportin e kërkur sipas këtij udhëzimi administrativ brenda afatit të përcaktuar me nenin 5.1, apo dorëzon raport të mangët, i lëshohet vërejtja me shkrim për një dështim të tillë. OJQ-ja i dorëzon raportet që mungojnë ose raportet e mangëta brenda afatit prej tridhjetë (30) ditësh nga dita e marrjes së njoftimit. Nëse OJQ-ja dështon ta bëjë këtë brenda afatit prej tridhjetë (30) ditësh nga data e marrjes së njoftimit, të gjitha beneficionet e statustit mirëbërës shoqëror të asaj OJQ-je i ndërpriten.

5.14. OJQ-ja e cila nuk i dorëzon raportet që mungojnë apo raportet e mangëta brenda afatit prej tridhjetë (3) ditësh, në pajtim me nenin 5.13 i lëshohet një vërejtje përfundmitare me të cilën kërkohet që raportet e tilla të dorëzohen brenda tridhjetë (30) ditësh. Dështimi për t’i dorëzuar rapoprtet që mungojnë apo raportet e mangëta brenda afatit kohor prej tridhjetë (30) ditësh do të jetë shkak për humbjen e të gjitha beneficioneve të statusit mirçbërës shoqëror ditën e parë pas datës së fundit të periudhës kur OJQj-a e ka dorëzuar raportin.

5.15. OJQ-ja e cila është shpërbërë ose ka pushuar të veprojë në Kosovë gjatë periudhës së raportimit duhet ta dorëzojë raportin për atë periudhë. Në raportin e vet OJQ-ja e shënon datën e shpërbërjes, kushtet në të cilat ka ndodhur dështimi, sasia e mjeteve të mbetura financiare pas shpërbërjes, natyra apo sistemimi i parashikuar i atyre mjeteve dhe si është kryer vendimi për sistemimin e atyre mjeteve (p.sh. në bazë të dispositave të statutit të organizatës, vendimit të organit të saj më të lartë qeverisës apo nga UNMIK-u).

Neni 6

Lirimi nga dogana, akciza dhe taksa e shitjes

6.1. Varësisht nga kufizimet e përcaktuara në neni 6.2 të këtij udhëzimi administrativ, OJQ-ja e cila e ka statusin e organizatës mirëbërëse shoqërore, sipas nenit 10 të Rregullores nr. 1999/22 të UNMIK-ut do të lirohet nga dogana, akciza dhe taksa e shitjes për mallërat e imortuara, sipas këtyre kushteve:

(a) Mallrat që shpërndahen falas personave apo grupeve të njerëzve të varfër; ose

(b) Mallrat që përdorën nga OJQ-ja vetëm për të realizuar qëllimet e veta për ndihmë reciproke shoqërore.

6.2. Lirimi nga dogana, akciza dhe taksa e shitjes nuk do të vlejë për karburant dhe prodhimet e karburantëve, për alkohol, etanol, pije alkoholike, verëra të likernave, verëra, birra, pije joalkoholike, kafe, cigare, puro dhe puro të holla dhe prodhimet e tjera të duhanit. Për lirim nga dogana, akciza dhe taksa e shitjes që ka të bëjë me karburantët dhe prodhimet e karburantëve, siç është përcaktuar në nenin 1.1.1 të Urdhëresës Administrative nr. 1999/01 të UNMIK-ut të datës 31 gusht 1999 mbi Zbatimin e Rregullores nr. 1999/3 të UNMIK-ut të datës 31 gusht 1999 mbi Themelimin e Doganës dhe Shërbimeve të Tjera në Kosovë, neni 1.2(d) i Urdhëresës Administrative nr. 2000/01 të UNMIK-ut i 22 janarit 2000 mbi Zbatimin e Rregullores nr. 200/2 të UNMIK-ut mbi Taksat e Akcizës në Kosovë dhe në nenin 1.2(d) të Urdhëresës Administrative nr. 2000/02 të UNMIK-ut të datës 22 janar 2000 mbi Taksën e Shitjes në Kosovë, OJQ-të duhet të marrin pëlqim paraprak nga Shërbimi Doganor i UNMIK-ut për një lirim të tillë të organizatës e cila ka status mirëbërës shoqëror, për çdo dërgesë apo mall të transportuar.

6.3. Ngarkesat dhe dërgesat e mallrave që përjashtohen sipas këtij neni përcillen me një formular të plotësuar që konfirmon lirimin e tyre. Formularët e numërtuar i lëshon Shërbimi Doganor i UNMIK-ut dhe mund të merren nga Dogana që gjendet në Rrugën e Leninit në Prishtinë. Formularët e tillë do të kushtojnë nga 0,50 DM secili.

6.4. OJQ-ja që merrë ngarkesën apo dërgesën a mallit duhet ta plotësojë pjesën A të formularit për lirim nga dogana para se t’ia dorëzojë formularin furnizuesit, i cili duhet ta plotësojë pjesën B të formularit për lirim nga dogana. Shërbimi i Doganës së UNMIK-ut do t’i pranojë vetëm formularët për lirim të pjesës B në origjinal.

6.5. Formulari i lirimit, kopjet e faturës dhe lista e mallërave (siç është përshkruar në Convention Relative au Contract de Transport International de Merchendise par Route (CMR) dhe çfarëdo listë(ash) paketimi do të merrën nga ana e Shërbimit Doganor të UNMIK-ut në vendkalimet e autorizuara kufitare ose në zyrat për pagimin e tatimit.

6.6. Shërbimi Doganor i UNMIK-ut e ruan të drejtën për t’i kontrolluar ngarkesat apo dërgesat humanitare. Mallërat e padeklaruara apo të deklaruara rrejshëm (duke përfshirë deklaratat mashtruese për vlerën e mallit) do të tatohen dhe trajtohen si shkelje doganore). Shërbimi Doganor i UNMIK-ut do ta informojë Administratën Civile të UNMIK-ut për çfarëdo shjkelje ligjore. UNMIK-u mund t’ia anulojë statusin për ndihmë reciproke shoqërore OJQ-së në rast të shkeljeve të kësaj dispozite.

6.7. Shërbmi Doganor i Unmikut e ruan të drejtën të bëjë verivikime a posteriori (të mëvonshme) lidhur me destinimin dhe përdorimin e ngarkesave dhe dërgesave të liruara sipas këtij neni. OJQ-të duhet ta ruajnë për një periudhë prej tri (3) vitesh dokumentacionin dhe provat tjera për mallin e importuar, për destinimin dhe përdroimin e tij. Verifikimet a posteriori bëhen nëse ekziston dyshimi i arsyeshëm se ka ndodhur shkelja, ose në bazë të zgjedhjes së drejtë të bërë kuturu. Nëse kontrollimet a posteriori tregojnë se ka pasur mashtrim apo shkelje doganore, OJQ-ja detyrohet ta paguajë tatimin dhe taksat sikur ato mallra të ishin importuar në mënyrë komerciale dhe, veç tjerash, edhe dënimet që vlejnë për shkeljet doganore.

Neni 7

Hyrja në fuqi

Kjo urdhëresë administrative hyn në fuqi më 9 maj, 2000.

Bernard Kouchner

Përfaqësues Special i Sekretarit të Përgjithshëm