Të pesë Qendrat informative të bashkësive (QIB) – nga një për secilin rajon administrativ, fillimisht u themeluan nga Trust Fondi i OKB-së për Siguri Njerëzore përmes një donacioni nga qeveria dhe populli i Japonisë. Tani ato tërësisht janë integruar në Zyrën për shtyp të Sektorit të UNMIK-ut për Informim Publik. Secila qendër ka nga dy asistentë për informim, të cilët, ndër detyrat e tjera, i kontribuojnë fletushkës mujore të UNMIK-ut në gjuhën serbe, “Danas i sutra” (Sot dhe nesër). Kjo fletushkë e popullarizuar në 12 faqe paraqet ngjarjet më të rëndësishme për bashkësitë pakicë në Kosovë në mënyrë objektive dhe të paanshme. “Danas i sutra”, si produkt kryesor i Qendrave informative të bashkësive, ka treguar se është e rëndësishme për bashkësitë e izoluara, për të kthyerit apo për personat e zhvendosur brenda vendit, të cilët kërkojnë më tepër informata në terren.